「OTONA 基地」自閉空間　怕見人毒L、蝸居廢青的福音　

:0:1

毒L最怕見人，如果同屋企人住，又冇自己嘅睡房，成日撞口撞面真係會覺得周身唔聚財，日本UNITEBOARD公司就設計咗一間名為「OTONA 基地」嘅紙皮組合房間，等班毒L可以放心自閉。除咗毒L，買唔起樓，要同家人一齊蝸居嘅廢青一樣啱，可以擁有私人空間，而且私癮度高，夠晒安全感，好過出去租劏房啦！
撰文：Be | 資料來源：UNITEBOARD、AKIBA PC Hotline
Cap嚟見我
毒L、廢青必備「OTONA 基地」於家中自製私人空間「OTONA 基地」係一間由紙板搭成的房間，紙板係由嘅厚身紙皮製成圍板同夾層，配合金屬零件組裝而成，同木製傢俬差唔多，唔怕「唔穩陣」。而且設計簡單，組裝容易，冇朋友嘅毒L都可以自己搞掂。

圖片來源：UNITEBOARD

圖片來源：UNITEBOARD表面上咁睇「OTONA 基地」就好似一個衣櫃，不過一打開門，就知內有乾坤！喺「基地」入面，可以話係「麻雀雖小，五臟俱全」，有衣櫃、雜物架、書枱、枱燈、書架，中間仲可以擺一張電腦椅，足夠毒L、廢青們喺入面頹廢一整天！

圖片來源：UNITEBOARD

圖片來源：UNITEBOARD「OTONA 基地」唔隔音、唔封頂不過，「OTONA 基地」並唔係冇缺點，由於佢只得四邊圍板，天花係冇封頂嘅，加上牆身只係紙皮，隔音效果係零，係零呀！打機、睇片時就要注意音量，唔好影響到屋企人喇！不過唔封頂都有好處，就係空氣流通，仲可以享用家中嘅燈光同冷氣呢！
各位毒L同廢青一定好關心「OTONA 基地」嘅價錢，整套售價為 129600日元（約9383港幣），一啲都唔平，值唔值就見仁見智喇！