44部門230名公務員向林鄭發公開信 要求回應「5大訴求」否則可能罷工

持續個多月嘅「反送中」運動、上星期日發生嘅元朗襲擊事件,引起咗眾多公務員對政府嘅不滿,230名跨部門公務員向行政長官林鄭月娥發公開信,要求政府回應民間嘅「五大訴求」,否則可以採取工業行動。
撰文:B | 資料來源:雲海、香港電台
Cap嚟見我
230位公務員向林鄭發公開信 眾「未來高官」AO都參與近日有多次不同職級嘅公務員聯署運動,要求特首林鄭回應近日嘅社會事件﹐早前有大批ACO(助理文書主任)參與聯署、噚日又有近400名EO(行政主任)聯署,以為已經好厲害,點知今日仲爆!網台主持兼作家雲海稱噚晚深夜有在職公務員主動聯絡佢,話佢哋組織咗超過44個部門、超過230位公務員同事,職級由ACO、EO,至AO(政務主任)都有!最爆嘅當然係一班被視為「等上位」嘅「未來高官」AO都參與其中啦!

呢200多位公務員以「一班來自不同部門的公職人員」嘅名義,向香港政府同埋特首林鄭發出嚴厲聲明,不滿現時特區政府嘅處事手法同態度,強烈要求特首回應市民訴求,否則就會籌備具體工業行動。公開信指出,喺過去兩個月,香港人發起一連串「反修例」遊行表達訴求,但政府同林鄭一直拒絕聆聽大眾嘅聲音,違背服務市民嘅承諾好。喺上星期日元朗發生襲擊事件後,更令市民質疑警方嘅執法能力,同時令公務員質疑政府並唔係為市民服務,更甚者,政府令公務員成為社會撕裂嘅幫兇。佢哋又表示,身為公僕,應回應市民訴求,所以打破沉默,強烈要求政府面對民意!
公務員與投訴達人「Connect」連成一線呢批公務員向雲海表示,希望雲海協助,向香港同埋外國傳媒發放呢封公開信,雲海就覺得呢件事好有「象徵意義」,素有「炸兩俠」之稱嘅雲海,喺過去二十多年來,一直竭力投訴各個政府部門嘅不是,係聞名於各政府部門嘅投訴達人,今日雙方竟然連成一線,簡直就係「香港歷史破天荒」!
有份參與聯署、任職創新及科技局嘅陳先生,接受傳媒查詢時,表示公開信中所指嘅「工業行動」,包括按章工作或罷工,佢指公務員罷工喺香港歷史上罕見,相信會對政府造成好大挫敗。另外,佢哋唔會為政府嘅回應設下死線日期,不過相信政府會喺8月中前回應。




[圖擷取自網路,如有疑問請私訊]

本篇
不想錯過? 請追蹤FB專頁!    
前一頁 後一頁