【空姐爆料】小心中伏!千祈唔好叫熱飲 5件搭飛機要注意嘅事

唔知大家對飛機上嘅知識又知幾多呢?今次就有空中服務員大爆料,飛機上有咩應該飲,又有咩唔應該做,一齊嚟睇下以下呢幾點啦!
撰文:KM | 圖片來源:新傳媒圖片庫、《衝上雲霄II》
Cap嚟見我
01|機上最好飲用樽裝水原來沖咖啡嘅水,係同沖廁所嘅水一樣,來自同一條水管!空中服務員仲話通常都無人會清洗水管,真係可以想像到究竟有幾污糟,所以佢哋建議如果要飲嘢,最好都係飲返樽裝水或者有包裝嘅飲品!以後搭飛機都係唔好飲咖啡、熱茶之類啦!
喺機上最好揀返樽裝水嚟飲啦!02|機上最污糟嘅地方係地板可能好多人都認為機上最污糟會係枕頭、廁所之類,但原來最污糟係地板!有空少大爆唔少乘客鍾意赤腳喺飛機度走嚟走去,特別係去廁所嘅時候,編輯都好費解點解會有人咁做,真係諗起都覺得污糟。
飛機上最污糟係地板!有乘客赤腳走入廁所,諗起都覺得污糟呀!03|空中服務員會昅女/仔乘客登機嘅時候,一班空姐同空少就會打量旅客,會留意邊啲人特別靚仔或靚女,或者特別Sexy,仲會為佢哋評分!自問靚仔靚女嘅你,一於睇下上機後會唔會有空姐空少討論你啦!
圖片來源:《衝上雲霄II》04|乘客進入頭等艙如果你唔係買頭等艙嘅機票,基本上係好難轉坐頭等艙。不過有空姐爆料,見過有乘客同空中服務員好傾得,又或者生得夠可愛,話唔定都有機會入頭等艙㗎!
想轉坐頭等艙嘅乘客可以嘗試問下空中服務員㗎!05|應唔應該揀低糖飲品有空姐話喺飛機上最唔鍾意倒低糖可樂,因為低糖可樂嘅氣泡好難消散,搞到一班空中服務員要等好耐先會斟滿杯可樂。有時佢哋唔想等咁耐,甚至會將成罐低糖可樂畀乘客。

唔知今次嘅機上大揭秘有冇令大家長知識呢?不過編輯聽到廁所水同沖咖啡嘅水嚟自同一個地方,都咪話唔驚嚇!以後大家都係飲返樽裝水啦!
Cap by 新假期


[圖擷取自網路,如有疑問請私訊]

本篇
不想錯過? 請追蹤FB專頁!    
前一頁 後一頁