【元朗恐襲】逾700港鐵司機實名聯署譴責控制中心 發起人疑遭上司襲擊受傷

上星期「元朗恐襲」事件,全城震怒,市民除咗鬧爆「白衫人」、警黑勾結外,港鐵嘅處理手法都備受質疑,噚日就有港鐵車長發起實名聯署,譴責車務控制中心決策失當同埋警方失職,至今已有起過700名車長參與聯署。
撰文:B | 資料來源:MTR Secrets
Cap嚟見我
「元朗恐襲」港鐵控制中心處理不當 港鐵司機實名譴責「元朗恐襲」事件,市民嘅矛頭一度指責向負責駕駛「屍殺列車」嘅女車長,而眾多港鐵車長就對控制中心同港鐵高層「A字膊」,將責任推晒俾前線員工。將軍澳線嘅車長發起實名聯署,譴責控制中心同埋港鐵高層,車長們一呼百應,至今各線(包括:將軍澳線、觀塘線、荃灣線、港島線、西鐵線、東鐵線、馬鞍山線)同埋輕鐵、高鐵車長、列車長、工程車車長,超過700名車長參與。聯署亦要求港鐵回應訴求,否則可能有進一步行動。
將軍澳線車長率先發起實名聯署(圖片來源:MTR Secrets)輕鐵車長亦加入實名聯署(圖片來源:MTR Secrets)高鐵線也加入!(圖片來源:MTR Secrets)聯署發起人疑遭上司打傷今日下午,喺港鐵將軍澳站嘅辦公室,有兩名員工發生爭執,其中一人被打傷,涉案施襲擊者被警方拘捕。事後Facebook專頁「MTR Secrets」指,一名將軍澳線車長,同一名列車員工督察,即係佢嘅上司,因聯署事件同政見問題爭執,列車員工督察出手打人,導致車長受傷。另有網上消息指傷者為聯署發起人。
(圖片來源:MTR Secrets)(圖片來源:MTR Secrets)睇返「元朗恐襲」事件係點:
【有片】元朗「屍殺列車」車長、控制室通話紀錄曝光 網民怒斥:活喺平衡時空元朗「屍殺列車」恐襲事件中,有兩點一直備受爭議,就是為何白衫軍正在月台毆打乘客時,車長廣播叫所有乘客落車,而不是盡快開車逃離現場。另一點就是,為何車長一直把車門打開,任由白衫軍衝入車箱打人,而不是立刻關車門保護乘客。由港鐵員工組成嘅 MTR Service Update 就公開了事發時車長與控制室嘅對話,希望還原事件真相,不過網民聽過錄音後,都對車長、控制室人員嘅做法不表認同,大力炮轟!
撰文:B | 資料來源:MTR Service Update
「屍殺列車」車長、控制室只顧清客 網民斥「活喺平衡時空」喺整段通話紀錄之中,車長只係同控制室報告有人塞住車門、閂唔到車門、有人敲駕駛室門、按緊急通話掣、乘客唔肯落車,對車箱內外有人被打隻字不提,而控制室人員亦只是多番叫車長「清客」請所有乘客落車、關車門,整段通話之中,只有車站職員向站長提及「打人」事件,通話之中亦傳出受傷乘客和救援者的聲音,所以網民都質疑車長同埋控制室人員「活喺平衡時空」!另外,車長「過分冷靜」嘅表現亦令網民感到奇怪。
網民留言怒轟網民對於「清客」呢個安排都非常不滿,亦質疑港鐵應付突發事件嘅能力。
 
MTR Service Update就向網民解釋當時「清客」嘅原因。

不過網民就唔多收貨。

完整通話紀錄
有關 7 月 21 日(星期日)於元朗站的暴力事件,以及一羣車務人員的抗議訊息Summary on the violent acts in Yuen Long Station on 21/Jul (Sun) and the joint petition by operating staff 於 2245 時,西鐵綫元朗站職員發現車站大堂有人展示標語,在表達訴求期出現爭執,繼而有乘客遇襲,因此即時通知車務控制中心召喚 香港警察 Hong Kong Police 到場期間,車站消防警報系統曾被人啟動,亦有在場人士同時自行致電 999 求助;奈何警方良久未有到場,只有消防處救護員抵達治理傷者由於車務人員當時已無法確保乘客安全,更有車站職員被人打傷,故此車務控制中心迅速安排元朗站關閉,並開出空車接載於站內的乘客離開現場而當時月台 1 – 往屯門已有一列如常接載乘客、並非特別安排的班車,但車門因人羣的衝突而失靈,車上多人按動緊急通話器,令車廂的牽引系統鎖死,未能成功載客開出,而要先停止服務雖然車務控制中心於 2319 時開始,重新安排所有列車於元朗站上落乘客,讓乘客繼續乘搭列車離開打鬥現場及至 2350 時,緊急服務人員需要於車站內作蒐證,並治理傷者,因此元朗站再次需要關閉,控制中心亦有即時再安排列車接走受影響的乘客港鐵公司行政總裁金澤培博士強烈譴責在鐵路範圍發生的暴力事件,並將全力配合執法機關的調查。同時代表港鐵公司,向受傷的乘客致以深切慰問乘客若於 7 月 21 日(星期日)晚在西鐵綫元朗站範圍內不幸受傷,可於下列途徑查詢:郵遞至 香港郵政總局信箱9916號


[圖擷取自網路,如有疑問請私訊]

本篇
不想錯過? 請追蹤FB專頁!    
前一頁 後一頁