「魔鬼胸」蔚雨芯發聲明 宣佈跟經理人唱片公司解約 | 娛聞樂 | 膠Hub

繼G.E.M.早前宣佈跟經理人公司「蜂鳥音樂」解約，昨日輪到「魔鬼胸」蔚雨芯(Rainky)在社交網發聲明，宣佈跟經理人唱片公司「MODIC x 夢想沙龍」於3月27日終止合約，暫時以個人身份發展，佢仲話雙方係喺和諧嘅情況下結束合作關係。
撰文：東方新地 ｜圖片：蔚雨芯instagram、instagram
閱讀全文
「魔鬼胸」蔚雨芯 宣佈跟公司終止合約現年25歲的蔚雨芯(Rainky)昨日在社交網發聲明，宣佈跟經理人唱片公司於3月27日終止合約，暫時以個人身份發展，她又感謝經理人簡銘進及同事多年的栽培，認為每個階段的完結都是新的開始。而聲明的署名除咗寫上了藝名蔚雨芯，還附上真實名字劉蒨樺。
蔚雨芯昨日宣佈與經理人唱片公司提前解約，但否認被雪藏。蔚雨芯話同公司係和諧地結束合作關係，公司都唔使佢賠錢。Rainky自小愛唱歌跳舞，17歲入行做歌手，近年都有幫無綫拍劇如《救妻同學會》、《是咁的，法官閣下》以及《再創世紀》，之前她接受訪問時表示電影、電視都演過，比較鍾意拍電視劇因為可以入屋，但睇番自己嘅演出覺得仲有好多進步空間，而佢好鍾意唱歌，不過因為未搵啱自己嘅方向，故暫時放下唱歌專注演戲！
蔚雨芯有份參演《救妻同學會》！蔚雨芯身材咁好，水上遊戲節目唔少得佢嗰份！蔚雨芯接受傳媒訪問表示，本來今年同經理人公司都會完約，而佢嘅經理人民迪都離開公司，所以Rainky也想提前少少，佢又強調同公司係和諧地結束合作關係，而且公司對佢很好，解約不用賠償。


對於之前有報道指佢因為工作態度差而畀公司「雪藏」，Rainky否認，佢話工作上冇甩底，而且一直都有話繼續做騷同拍劇集，佢要澄清同公司關係好和諧。講到係咪同富二代緋聞男友有結婚嘅打算，蔚雨芯再度否認，仲話自己年紀尚輕。

去年年底有傳Rainky同30歲、鄭姓的馬來西亞富二代拍拖，男方對她安排專車接送、頭等機位等呵護周到，而Rainky更被指忽然富貴周身名牌。不過Rainky否認並指對方是好朋友而已。而近日佢就去咗大馬，未知是否和呢位富二代好朋友見面呢？！


「魔鬼胸」蔚雨芯工作之餘，最愛去旅行享受陽光與海灘，佢仲不時上載索爆泳衣相至社交平台，不經意晒3吋魔鬼溝，認真引死人！

蔚雨芯有美好嘅身材，難得佢都肯同大家開心Share，巴打最開心！




還記得去年蔚雨芯喺佢IG上載咗峇里旅行相，點知就同朱晨麗之前上載嘅相一模一樣，同一間酒店，同一個泳池，咁啱都係擺同一個「女神撥頭」嘅姿勢，原來兩個靚女係私下係好朋友，相約去旅行。
蔚雨芯晒埋玉背！蔚雨芯回眸一笑，大晒側邊都一樣咁索！蔚雨芯呢下撥頭髮真係不得了喇！
晒「魔鬼胸」蔚雨芯早前在社交網留言表示：「對自己好一點，這兩星期太疲勞，要游個水，看看中醫，去轉旅行。」身材惹火嘅佢著住三點式泳衣游水，在水中輕撥秀髮再嚟個出水芙蓉動作，唔覺意騷事業線！




32D蔚雨芯有副好身材，不過「魔鬼胸」唔係浪得虛名！





着上白色bra top嘅蔚雨芯晒大字馬！


[圖擷取自網路，如有疑問請私訊]