玩晒韓國歐洲！芬蘭航空首爾飛歐洲，回程飛香港，可中停赫爾辛基！連稅$3,796起，商務$13,902起！5月31日前出發

又想去韓國，又想去歐洲？呢套飛可以一次過滿足您兩個願望！今次介紹呢套機票比較特別，唔係由香港出發，由首爾出發，坐芬蘭航空經赫爾辛基飛歐洲，回程由歐洲飛香港，連稅HK$3,796起。比起香港出發平少少，如果想玩埋首爾就啱晒，只要買多張香港飛首爾嘅單程飛（廉航幾百蚊就有啦），先喺首爾玩幾日，再駁呢套飛開始歐洲之旅。HK$3,796起以斯德哥爾摩為例子，仲有其他航點，連稅計：巴塞隆拿HK$3,909起、馬德里HK$3,909起、米蘭HK$3,940起、羅馬HK$3,961起、巴黎HK$3,989起、蘇黎世HK$4,282起、奧斯陸HK$4,291起。

呢個組合要用「多個目的地」功能Search，第一程入首爾飛歐洲，第二程入歐洲飛香港，坐芬航係經赫爾辛基轉機，仲可以中停赫爾辛基兼玩，一票玩三地！
除咗經濟艙，呢個組合以商務艙仲抵玩！以首爾飛斯德哥爾摩，斯德哥爾摩返港為例只需HK$13,902起，價錢好吸引！商務Class Code係I，可賺125%Asia Miles或Avios，以斯德哥爾摩為例儲落Avios可賺到超過13,000里，已夠換國泰香港來回台灣或越南嘅經濟位來回機票啦。
票數有限，有興趣就快訂啦。
【出發日期】1月14日至2月11日、3月5日至5月31日（經濟艙出發日子至3月31日）
【機票有效期】1個月
【最後出票日期】1月31日或售完即止
【訂購網址】www.expedia.com.hk


[圖擷取自網路，如有疑問請私訊]