取代尾箱 The Classic 頭盔皮袋

有揸電單車嘅朋友一定有面對過以下兩難：想好好收起個頭盔就應該要裝返個尾箱，但尾箱又好唔型；唔裝尾箱即係要拎住個頭盔週圍走，但行街睇戲有個頭盔又真係好阻掟。喺呢個時候你可能需要兩樣嘢：一係就需要換返架四個碌，一係就需要呢個「The Classic」頭盔皮袋！
由NEO & SONS於Kickstarter推出嘅「The Classic」係一個畀電單車駕駛者放頭盔嘅多功能實用袋。以意大利真皮製造，配上YKK拉鍊同肩帶，落車之後就可以紜頭盔放入去再揹走。唔使裝尾箱、唔驚畀人偷但又可以繼續兩手揈揈。「The Classic」內層亦以柔軟物料包裹，確保唔會刮花頭盔。而且底部仲有個小貯物夾層，放到銀包電話鎖匙手套有餘，對男士們黎講出街應該夠哂用啦。

據NEO & SONS所講，The Classic乃係市面上唯一一個同類產品，目前喺Kickstarter嘅早鳥價就係255USD(約2000HKD)，嫌貴嘅都有平啲嘅帆布版(159USD，約1250JHKD)，以取代尾箱黎講又唔算好貴，大家不坊考慮下。
最後提提大家眾籌有一定風險，大家諗清楚先好落單呀。
NEO & SONS


[圖擷取自網路，如有疑問請私訊]