大學Ocamp又玩出火　巴打求救：點同組媽解釋？ | 真心膠 | 膠Hub

:0:1

大學迎新最重要係啲咩？當然係玩Ocamp，喺Ocamp可以好快咁同大學同學混熟，快啲適應大學嘅生活。但唔係個個Ocamp玩嘅嘢個個都頂得順，嗰啲咩含蕉食奶，肥仔黎見到都睇唔過眼！點解冇我份！！！！
閱讀全文
事情是咁的，有巴打呢幾日就去咗玩Ocamp，佢就抱住呢個好興奮又期待嘅心情出發，點知⋯⋯

內文如下：
琴日玩遊戲時，唔小心揸左組媽個波一下，當時佢好似嬲嬲地咁望左我一眼，之後就無咩點同我講野，依家點同佢解釋好？
第一眼見到佢時，就覺得佢好有家姐feel ，份人又幾nice，唔想比佢誤會。
肥仔黎睇到笑咗，巴打，你確定係唔小心？？？

樓主又補充：
唔知係唔係我心理作用，見到佢周圍同人咬耳仔，啲人又眼望望咁，好似講緊我咁，我真係唔小心的，好想同佢解釋清楚
Mola，Mola，你呢三日GG了！有冇巴打可以打救吓佢？？？

你哋啲屎橋！

你哋咁進擊嘅！
膠通消息來源：連登
意識大膽嘅迎新O Camp又黎喇　中大學生會主席表示：今年有新嘢每逢開學季節，唔少大學或專上學院為令新生適應新環境，多個學系及學會都會舉辦卻稱「O Camp」的迎新營。但往往O Camp 的活動意識大膽，有大量需男女有身體接觸的遊戲，甚至內容相當意淫，長久以來都備受爭議！不過，今年中大學生會主席拍心口話迎新營有指引。
中大取消意淫遊戲中大學生會主席區倬僖同學，佢拍心口話迎新營有指引，唔會再出現意淫遊戲咁話喎。睇黎有班人要失望啦。

迎新營分幾種，學生會搞嘅通常叫大O Camp、各學會搞嘅叫細O Camp。中大學生會主席區倬僖表示O Camp點玩，有晒指引。為照顧新生同學嘅情緒同埋防止性騷擾，中大亦設防止性騷擾委員會，會派委員一齊加入O Camp，佢認為今年肯定唔會出現意淫遊戲，估計最多都喺跳營火時拖下手仔咁。

即係仲諗住有得玩呢啲嘅同學仔，就要失望啦。

O Camp經典回顧【舔腳】當年，網上瘋傳一段幾名疑似大專生在渡輪上玩迎新遊戲的短片，見到一位着住熱褲的女生雙腿張開，兩旁則有兩位男生伸脷狂舔其玉腿，而且三個人都狀甚享受！媽呀好淫亂呀！

片中背景似乎在渡輪上，一班身穿深藍色O Camp tee的疑似大專生正大玩迎新遊戲，其中一位着住白色熱褲的女生坐在座位的扶手上張開雙腿，而兩旁就有兩位男生蹲在女生的長腿下，用手扶住對腳不停伸脷狂舔！

不過相信有唔少朋友同小編一樣，一開始睇錯咗，以為個女仔只係着住底褲？

該兩位男生玩遊戲時相當認真，真係伸到條脷勁長，由上至下、由小腿舔到大腿，而且三人都非常enjoy，無論舔人定被舔都笑得好開心！

另外有位無參與的男生就高舉手機拍片，可能諗住入到 Camp獨自欣賞？

其實呢位被舔的女生都唔係完全冇反抗的，去到最後都有踢兩吓腳以表示不情願，不過從佢笑得咁開心來看，應該又係「身體卻很誠實」的表現……

睇片
疑似籃球學會任何事如果在網絡瘋傳，都難逃被起底的命運，據知呢班咁玩得的同學仔係來自某專上學院，正參加籃球學會的迎新營。

相信睇完片後好想即刻去報名…或者做helper？

火辣女主角亦有網民好快就搵到疑似係片中女主角的Facebook，見到佢不時都會晒自拍又晒身材，性格似乎幾開朗幾玩得，難怪玩遊戲都去到咁盡…… 不過小編一再強調，只係「疑似」而已。

網民有話兒︰

可能女主角會同男朋友講，佢哋只係玩遊戲，唔使太認真？

眼淚在心裏流……

呢位朋友，其實都係玩遊戲，唔係玩呢啲就一定要做X或者叫X嘅…

好一句「有得奶你奶唔奶？」！男士們點睇？

O Camp經典回顧【高潮】一波未平一波又起！話咁快就有另一單關於O Camp的相片在網上流出，見到一位冇着褲(好似係) 的女生跪在地上，雙手放在左右兩位男生的下體位置，而相片caption更是「體貼嘅組媽會為爸爸仔女帶來高潮」，觸發人無限暇想！

當大家仍對舔腳事件議論紛紛之際，話咁快又有另一O Camp相片在網上流出！相片可見一位女生跪在兩名男生之間，雙手放在兩人的下體位置，做出疑似為兩人手淫的姿勢… 該位女生笑得相當燦爛，而兩位男生則做出一個閉上眼睛張開口、樣子極享受的表情。而照片更是「體貼嘅組媽會為爸爸仔女帶來高潮」，點解小編當年個組媽一啲都唔體貼……