TBB小生劇中大晒肌肉　真係愈睇愈有「肌」　

逢星期日出街嘅《三個女人一個「因」》中，飾演唐米尼（Dominic）嘅郭子豪經常喺劇集入面騷肌，令各位女觀眾們睇到嘩嘩聲，成為劇集另一焦點所在。話說郭子豪除咗靚仔大隻、畢業於世界知名學府外，仲係來自富貴家庭！不容忽視！
《三個女人》爆肌郭子豪Cap嚟見我
郭子豪於《三個女人一個「因」》中第九集出場，飾演唐米尼（Dominic），其中講述佢同黃智雯嘅其中一個人格角色菠蘿椰奶發生一夜情，並於拉斯維加斯結婚，及後來港但生意失敗，被業主趕走之後投靠菠蘿椰奶，並暫住其家中。
郭子豪於《三個女人一個「因」》中第九集出場。
郭子豪愈睇愈有「肌」？！初時出場嘅郭子豪明顯衣著比較密實，但之後愈睇愈有「肌」，去到第二次再次出場就已經半裸登場。嘩，結實胸肌、粗壯手臂，六舊腹肌兼遮啲唔遮啲嘅人魚線，睇到人眼定定，差啲連心臟都停埋！
郭子豪喺劇中攞正牌騷肌，作為劇迷嘅觀眾朋友們真係大飽眼福，完全係眼球嘅一大享受。




[圖擷取自網路，如有疑問請私訊]