大阪至Hip首選！Cross Hotel Osaka 兩分鐘行到心齋橋、道頓堀！

小編覺得揀酒店無絶對好同壞嘅(戴返個頭盔先)，因為好取決於你想去咩景點、目的係咩(血拼？觀光？主題樂園？)、同咩人去。如果你符合以下其中一個條件，小編非常推介Cross Hotel Osaka比你！點解？兩個字：方便！

• 大阪新手 (未去過，或者去過一兩次)


• 鍾意SHOPPING (血拼係主要目的，一日唔行街唔安樂)


• 鍾意食野 (想試盡日本美食)


• 鍾意熱鬧 (酒店樓下就係心齋橋、道頓堀，如果你要求環境清幽就未必啱你)


• 鍾意簡潔清潔嘅酒店 (酒店本身設計比較Hip唔老土嘅，基本設施一定有，不過如果你追求豪華享受就未必啱你)


• 同朋友 / 男女朋友去 / 扶老攜幼(需要中途返酒店休息)

Cross Hotel Osaka（大阪十字酒店）

• 地址：〒542-0085 大阪市中央区心斎橋筋2丁目5番15号


• 交通：地下鐡難波站(14號出口)直行2分鐘 / 地下鐵心齋橋站(4-B出口)直行5分鐘


• 機場交通：搭乘南海電鐵(空港線)至難波站(車程約40分鐘) /


• 電子地圖：http://bit.ly/2ehWRw4


• 附近景點：
  
  
  
  
  • 心齋橋、道頓堀：2分鐘
  
  
  • 難波站購物區：10分鐘
  
  
  • 南堀江、美國村：10分鐘
  
  
  
  

【實用小地圖】(SAVE底就最方便啦)


酒店鮮紅嘅外牆有好大個「X」，一啲都唔難搵。酒店本身好有設計感，感覺好HIP，由房間到大堂整體感覺都好乾淨！日本市區酒店嘅房平均嚟講都唔太大，Cross Hotel Osaka都一樣，雙人房大概24平方米，兩個人開兩個喼啱啱好咁啦！好處係佢嘅浴定比一般酒店大，仲有浴缸(唔係日式細細個好深個種，係西式可以躺直個種)！設備方面基本上都齊：浴巾、風筒、WIFI、電視、電熱水壺、冰桶、冰箱、即沖咖啡、樽裝水、拖鞋、盥洗用品。

Cross Hotel Osaka 落樓下轉個彎就到心齋橋筋商店街(2分鐘)、道頓堀(2分鐘)，即係話同固力果招牌、藥妝店、大量衫褲鞋襪(g.u.、ZARA)、100円/300円店，只係5分鐘左右嘅距離！買到無手拎可以拎返上酒店先！


行多兩步(其實都係10分鐘)就係難波SHOPPING區：地下街難波WALKS、商場難波CITY、難波PARKS、百貨公司高島屋！

大路野行哂係仲想買啲特別野，行過南堀江立花通(ORANGE STREET)都只係10分鐘，個邊會多啲特色設計店同品牌！

要醫肚，道頓堀有齊你要食嘅蟹道樂、一蘭拉麵、金龍拉麵、章魚丸、大阪燒、RIKURO芝士蛋糕！想食特別啲，推介杜如風介紹過嘅蟹しぐれ(同道樂一樣食蟹)、同食吉列牛嘅京都勝牛！

如果你精力無限，夜晚返都酒店都仲有作戰能力，你一定好愛呢間酒店，因為佢附近好多開地凌晨嘅地方，包括24小時營業激安殿堂、開通宵兄壽司店すしざんまい、開通宵嘅烤肉店いろりや、仲有開到凌晨三點嘅藥妝店スギ薬局 道頓堀東店！



[圖擷取自網路，如有疑問請私訊]