4位娛樂圈良心好老闆 「邊個今日返工炒邊個!」

支持網站營運,有空請觀看一下我們的贊助商
1
颱風「山竹」襲港,除咗唔少樹木被吹毀,地鐵亦有架空電纜受影響,以致列車受阻,相信唔少打工仔今日都歷盡千山萬水先返到工!娛圈就有4位良心好老闆宣佈星期一公司員工唔使返工!咁體恤員工嘅老闆,堅要俾個like佢哋呀!
Cap嚟見我
娛圈4位良心老闆宣佈員工唔使返工颱風「山竹」襲港,市面除遍地垃圾及樹枝外,路面交通亦大受影響,無論鐵路抑或巴士都只得有限度服務。但早上已轉發三號強風信號,故全港一班打工仔都需喺交通未恢復正常嘅情況下番返工,結果就逼爆各個車站,就算大家提早出門,返工都要多幾倍時間!

杜汶澤言而,一向敢言嘅杜汶澤尋日亦有為一眾打工仔發聲,質疑「無車搭點返工呀?」,大膽指責今日唔宣佈停工嘅老細,坦言「因為決定嘅人自己有車有司機」。

於是,呢位咁布同理心嘅老闆杜汶澤發文表示自己公司嘅員工無須上班!仲講到明返工即炒!

呢個post一出,睇到唔少人隨即俾個讚呢位良心好老闆!

除有唔少人大讚阿澤外,仲留言指呢位老闆夠哂英明果斷!而且,亦有網友表示想成為阿澤公司嘅員工!

杜汶澤更為港人發聲!其後,杜汶澤再貼出一張港鐵大圍站逼爆打工仔嘅相,並發長文分析「所謂僱主僱員自行決定上唔上班」的問題,阿澤就認為呢個方案實際上係唔可行,因為當一個僱主決定要上班,另一位僱主喺有比較之下,就會作出相同決定!

文中,阿澤仲批評特首今次冇宣布打工仔停工嘅選擇係離地,而且令普羅市民受苦。
其實,喺打風前一晚,阿澤已經認為市面未必可以即刻回復正常,並建議自己公司啲同事於今日可自行決定係咪有需要返公司!

結果,其發文就吸引咗網友們一連串激讚,大讚佢體恤員工,堅係個良心好老闆!而阿澤仲留言回覆網民:「將心比心啫,一日半日,會執咩」阿澤好嘢!

另一方面,唔少打工仔都非常認同其發文所言,直指返工需時,但市面一片混亂,若然強行返工反而會減慢全港恢復正常嘅速度!

古天樂除咗杜汶澤呢位良心好老闆外,身為電影公司老闆嘅古天樂亦都體恤員工難處,指因考慮到員工安全,故決定員工可以留喺屋企home office,無須冒險返公司!

View this post on Instagram
一個難以忘記的晚上!感謝所有支持我的觀眾朋友們 多謝電影殺破狼貪狼台前幕後團隊,多謝金像獎與及每一位投票支持我的評審 #thankyou
A post shared by 古天樂 Louis Koo (@kootinlok_louis) on Apr 15, 2018 at 12:11pm PDT

林盛斌至於身為「棋人香港」老闆嘅阿Bob(林盛斌),今日凌晨亦有喺fb貼出通告,指其公司休假一天,等員工可以為家庭作善後,並指出工作永遠做唔完,照顧家庭先係最重要嘅工作!


羅鈞滿另外,月前喺油麻地開咗間甜品鋪嘅羅鈞滿亦體恤員工狀況,表示鋪頭會休息一天,當接受傳媒訪問時,佢坦言眼見呢個情況,根本就唔適合外出,更講唔上去返工!

膠通消息來源:東方新地、Instagram


[圖擷取自網路,如有疑問請私訊]

本篇
不想錯過? 請追蹤FB專頁!    
前一頁 後一頁