【有片】BOYZ自爆當年Salon打交事件 Steven:如果唔係…撳住我…

支持網站營運,有空請觀看一下我們的贊助商
1
早前BOYZ為咗宣傳喺今個月16號舉行嘅「 The Unboxing Live 演唱會」拍咗一系列「同居一天 HOMETOUR」短片,參觀完新居,去完買餸兼煮飯仔,嚟到第三集到,終於到咗戲肉——上大床!兩個大男孩嚟個「深情 Pillow Talk」,將過去十幾年喺心事都拎晒出嚟講,連那些年傳聞過嘅「Salon打交事件」都拎埋出嚟講,完全冇避忌。
Cap嚟見我
瞓瞓下……俾人一腳伸落嚟!醒啦Steven!起身吹下水先啦!

Steven笑住話:「我不嬲同你冇兩句喎!你想傾咩?」

Kenny一嚟就主動講返N年前嘅「Salon打交事件」。

Steven:「當時如果唔係嗰班人撳住我,你已經唔知飛咗去邊喇!」佢個樣咁雀躍,係咪想打多鑊先?

講返2005年第一代BOYZ拆夥事件。

佢哋兩個都曾經……唔係咁friend。

嗰時大家都年少氣盛。

原來佢哋有「地下親戚關係」——表兄弟?!

本身仲諗住以後都冇機會再一齊唱歌,點知唔止有得唱,仲要係開演唱會!


真係要多謝呢位仁兄!

咁即係ready好啦?

瞓啦X頭!

睇片
Cap by:Kenny Kwan 關智斌 YouTube Channel
【有齊2集.有新片】Kenny關智斌千萬新居全公開 同BOYZ一齊玩煮飯仔!清水灣1,700萬豪宅新居全公開!Kenny關智斌 珍藏模型大晒冷成軍15年的BOYZ,將於下月16日在九展舉行首個正式售票演唱會《The Unboxing Live》,反應非常熱烈,門票更已經火速售罄。
成員關智斌(Kenny)早前在其社交平台專頁上載一條「新居大曝光.HOMETOUR」嘅短片,原來二人初出道時公司安排佢哋同住,到多年後才搬開各自住,而成員張致恒(Steven)呢日就去咗Kenny新居仲話會同住一日,睇番Kenny豪宅新居寬敞舒適,裝修有格調,而且露台外望景觀一流,睡房仲放咗好多珍藏模型,究竟Kenny新居係點?等Steven帶大家參觀!
*睇到底,仲有第二集!關智斌 豪宅新居大公開Kenny早前在其社交平台專頁上載一條「Kenny新居大曝光.HOMETOUR [ 同居一天 ep.1 ]」嘅短片,Kenny在上載短片中留言話:「好多年前其實我同 Steven係同居過嘅,最近搬咗新屋就叫佢上嚟重拾舊歡,係咁咦同佢同居一天啦!」
Steven就到Kenny位於清水灣道嘅低密度豪宅傲瀧(Mount Pavilia)新居小住一天,據知,在內地拍劇狂吸金嘅Kenny,聽父母話買磚頭保值,而佢之前以接近千七萬入Mount Pavilia一單位,環境清幽又有度假feel!


一進到大堂,Steven話畀「高科技」難倒,唔識撳樓層,又大讚未入屋大堂已經夠靚夠氣派!


到喇!Steven撳鐘,Kenny一開門就話佢遲大到,明明約8點但9點至到!


Kenny問Steven點解得咁少衫,啲底衫褲去咗邊? Steven笑騎騎話佢屋企有可以借,結果畀Kenny大鬧冇理由借貼身衣物!

客廳、飯廳睇睇客廳、飯廳係長方形,好四正好實用,外望仲有個超長露台,Kenny話有時佢會一個人坐喺露台食早餐,好歎!不過Steven笑話個露台又窄又冇冷氣,點解會出去食早餐,Kenny笑話以佢身形嚟講梗係窄,自己就剛剛好。Steven佢望一望個景色,補充話坐喺露台都好舒服!
兩兄弟一見面就互爆當年趣事,Kenny話當年Steven成日摷佢啲私人物件,結果搬走咗!


書房剛搬入去不久,仲有啲箱未拆,台上除咗放了兩部電腦,仲有個超大書櫃,唔講唔知原來佢好鍾意睇書,特別係烹飪書!

其中一面牆仲係可以用粉筆寫字,佢就寫上「just do what you want to do」!

衣帽間一入睡房,先係見到衣帽間,有兩個大衣櫃間開咗衣帽間同睡床!

睡房Kenny話佢間屋得一張床,所以喺度留宿要同佢孖鋪,Steven笑話拍檔好自戀,床頭仲放咗張自己嘅大相,瞓覺都要望住,Kenny話只係未諗到放邊!


智能喇叭Steven笑Kenny好鍾意人哋話好就會買,Kenny話佢購物前其實有做足功課,好似呢個蘋果智慧喇叭HomePod係其中一例子!

Kenny叫咗一句:hey siri play some BOYZ song,結果播咗佢哋首快歌《Ready to go》!

之後兩子隨歌起舞,佢哋真係好搞笑,雖然比初出道時成熟不少,但依然有點大唔透咁!
自封Chef Kenny之後Kenny又介紹張閱讀椅,話每晚都會坐喺度睇書,而佢近來最愛睇嘅烹飪書,都係由名廚Jamie Oliver所寫,佢仲話參考過後,近來在家自製沙律再影相放上IG,唔少網友都話以為係街外餐廳所買,咁有水準,又難怪佢沾沾自喜啦!



珍藏模型大晒冷Kenny好鍾意日本模型,佢特別喺睡房訂咗個大櫃展示佢嘅珍藏,玩具由頂放到櫃底,排得滿滿,Kenny仲話喺日本見過一比一,只是未有買下!睇吓,地下Kenny都放咗塊水松板貼晒佢啲靚仔相!

睇吓,地下Kenny都放咗塊水松板貼晒佢啲靚仔相!
另一衣櫃除了放滿衫,仲有好多珍藏嘅超合金模型,Steven笑問Kenny係咪細個冇玩具玩,有童年大陰影,到大個要買番夠本!

洗手間入到洗手間,Kenny搞笑話叫Steven浸泡泡浴,睇真啲,原來有淋浴間、也有浴缸,而且仲有好多護膚品,認真貪靚!

大談初出道往事 一開始是冤家參觀完新居,二人又坐下來傾計話當年,唔講唔知,原來二人一開始組團時,大家都看對方不順眼, Steven:「唔知點解一見到面大家都燥底」Kenny就話試過一齊坐車時明明冇交談,只是互望一眼,都會話「望咩呀望!」總之大家看對方不順眼!


只是時間久了,二人關係也慢慢建立,仲合作得好有默契!有一年Kenny生日,Steven豪花萬幾蚊買咗對鑽石耳環畀Kenny,點知Kenny話粒石太細,洗頭時差點沖走,激到Steven紮紮跳!


死老鼠的味道二人又講番當年在銅鑼灣同居嘅情況,Kenny最難忘的一次係咁嘅:「有兩星期有死老鼠的味道,味道一天比一天厚,初時以為Steven不沖涼,但點會兩個星期唔沖涼㗎!」

Steven解畫,原來因為以前好多粉絲會送禮物,很多時都會送餅乾、零食之類。點知嗰次唔為意,有些食物變壞,Steven仲笑話Kenny的鼻很靈敏,有日一返到屋企好似緝毒犬咁索,追尋臭味來源,Kenny冇佢咁好氣話說:「怎可能聞不到?」

爆Twins是購物狂佢哋大爆與對方生活的趣事,互指對方經常買大件物件回家,令屋企冇位行,而Kenny笑話其實佢哋唔算購物狂,Twins才是,特別是阿嬌會同款衫但唔同色全部都要買下!
Kenny最後還問Steven:「你想唔想同我再住埋一齊?我就唔想喇,呢度咁乾淨。」Steven答:「做咩唔想呀,呢度咁靚咁大」


睇片
Cap by:東方新地
第二集 CHEF BOYZ 下廚 蕃茄海鮮湯/三杯雞 [ 同居一天 ep.2 ]當網民仲熱列討論緊Kenny間新屋幾大幾正、同埋回味緊BOYZ初出道嘅住事,話咁快就出咗第二集「CHEF BOYZ 下廚 蕃茄海鮮湯/三杯雞 [ 同居一天 ep.2 ]」嘅影片喇!佢哋今集會去街市買餸,然後返屋企一齊煮飯仔!
一行入街市,佢哋就俾人「點相」喇!呢個婆婆話:「好耐冇見你兩個喇!」

Kenny個樣已經話咗俾你聽佢好驚訝!點解連婆婆都認得佢哋!呢啲咪就係「入屋」囉!

同Steven一齊去買餸,一定唔會被「呃稱」!

Steven個笑容⋯⋯恥笑mode確定!

笑夠喇!繼續行程啦Steven!

Chef Kenny自信滿滿的樣子!Steven仍然keep住個「恥笑mode」!

Steven真係專家嚟㗎!Chef Kenny俾佢笑下都⋯⋯好正常嘅

Steven:「咖膏呢度冇㗎!」專家講嘢你要聽呀Chef Kenny!

買餸任務完成!返屋企開壇煮飯!

Steven 真係「tag歌王」!連洗魷魚都俾佢tag到古sir首《歡樂今宵》

Steven除咗係買餸專家,仲係「整蠱專家」!Chef Kenny伏已中!
同魷魚洗白白,Kenny有開心大發現:「點解有條膠條嘅?」Steven:「呢條係佢嘅軟骨嚟㗎!」

其實Chef Kenny老豆係攞過獎嘅大廚。

啲餸洗完、切完,終於到咗落鑊嘅時間喇!Steven又唱歌⋯⋯

大家記唔記得《Boy’ z Can Cook》呢隻碟呢?係青春呀!係回憶呀!

佢哋真係「Can cook」喎!呢下灑酒似模似樣!

有得食喇!有Steven炮製嘅「三杯雞」!仲有Kenny嘅「蕃茄海鮮湯」!

隔住䭅mon都想食!

開餐喇!佢兩個食得好滋味咁!

洗碗啦!喂喂!咁仲有冇下集呢?

睇片
Cap by:Kenny Kwan 關智斌 YouTube Channel


[圖擷取自網路,如有疑問請私訊]

本篇
不想錯過? 請追蹤FB專頁!    
前一頁 後一頁