世界最賺錢IP排名出爐  LOL冇你想像中咁值錢 | 真心膠 | 膠Hub

早排出咗個世界最賺錢嘅IP排名,大家絕對估唔到原來係電子競技有一席位嘅LOL英雄聯盟,其實冇你想像中咁值錢,反而一啲你估唔到嘅老屎忽好鬼值錢。
閱讀全文
第10位-龍珠作為最經典嘅熱血漫畫,就算最新嘅《龍珠。超》講大家嘅童年崩毀晒。但係都否定唔到佢嘅經典地位。

第9位-Marvel用咗十年去建立一個世界觀嘅超級英雄系列,呢幾年最威就係佢,完全吊打靠蝙蝠俠同埋超人支撐嘅DC世界。

第8位-蜘蛛俠「能力越大,責任越大」呢句係蜘蛛俠最出名嘅格言,經典英雄經典到就算因為種種問題,蜘蛛俠電影系列終結咗幾次,換咗3個演員都阻產唔到佢嘅人氣。而下年佢唔單止有自己獨立電影,仲會出現係《復仇者聯盟4》入面。

第7位-蝙蝠俠DC台柱,走黑暗風嘅蝙蝠俠,一路被人稱為DC入面最強最聰明嘅人(,當然都係最有錢啦),靠自己去成為英雄。人氣高漲嘅佢靠好多唔同周邊玩具,成為咗第7位。
第6位-哈利波特被網民稱為英國輕小說嘅哈利彼特,應該可以被喻為呢個世界最成功嘅小說,無論係世界觀定電影都成功進入到大家嘅生活。連環球影城都有自己嘅園區,每個人都知道嘅9又4分之3月台,呢啲都可以見到佢嘅影響力。

第5位-馬里奧係任天堂收皮到靠switch又上位嘅呢段時間,作任天堂自家製嘅遊戲角色 – 馬里奧功不可沒,無論係超級馬里奧,孖寶賽車等等都係陪住大家長大嘅遊戲。最近佢係switch又出咗新嘅超級馬里奧版本,肥仔黎我已經準備好了!

第4位-米奇老鼠迪士尼嘅標誌人物,米奇己經90歲生日,我諗迪士尼同埋米奇應該唔洗介紹,大家都知佢地嘅人氣同埋吸金力啦下話。

第3位-星球大戰最早的四部曲攝於1977年,最後的九部曲預定係2019年上映,足足差了42年。但係都唔阻大家對太空,對Luke Skywalker,對Jedi嘅熱愛。
「May the force be with you」

第2位-Hello Kitty冇口嘅hello kitty,肥仔黎都唔明點解可以吊打上面咁多嘅著名IP,但係事實上佢就係排第二。

第1位-Pokemon 精靈寶可夢肥仔黎都係鍾意叫佢《寵物小精靈》,早幾年全民捉精靈,咁多年黎出過各種版本嘅遊戲。一句講晒!實至名歸。


就咁睇個表,你絕對佢唔到原來呢個世界最值錢嘅IP竟然係Pokemon,Hello Kitty同埋星期大戰。最搞笑嘅係一個蜘蛛俠就吊打成個Marvel。真係估你唔到。

有巴打驚訝原來小熊維尼都咁勁,排係第12.

 
之後嘅排名如下,有好多大家耳熟能詳嘅名字。




不過對於呢個排名,有好多網友都質疑到底部分IP係點樣賺錢,例如北斗神拳同埋哈利波特等等。




[圖擷取自網路,如有疑問請私訊]

本篇
不想錯過? 請追蹤FB專頁!    
前一頁 後一頁