【邊個想造反?】74個木村女佔領全日本 竟然隱藏一串密碼同一個秘密! | 真心膠 | 膠Hub

最近木村托哉個細女木村光希(Kōki)同媽咪工藤靜香嚟咗香港出席活動,去到邊都俾一大班記者粉絲圍住,好鬼熱鬧!喺日本嗰邊都好「熱鬧」,74個Kōki同時分身出現!全日本 74 份報章喺同一日一齊喺背頁登出Kōki嘅照片,每張照片嘅背景、Kōki嘅眼神都一樣,細心睇睇,唯獨口型都有少少唔同,74張相串埋一齊,就好似隱藏住一串密碼咁,究竟當中有咩玄機?
閱讀全文
全版報紙都有一張Kōki嘅大頭相,同埋喺右上角寫咗一個字、一個號碼。

右下角仲有個QR code。

同一日,全日本 74 份報章嘅尾頁,都登咗呢個用意不明嘅廣告。

「74個Kōki」呢單嘢實在太霸氣,又好詭異!呢位「最強星二代」成功引起咗大眾嘅好奇!
74份報章嘅發行地方遍佈全日本嘅74個不同地區。

有心水清嘅讀者發現,字將呢74個字拼埋一齊,竟然係一句話!
私(わたし)は、まだ知(し)らない。
この国(くに)のことや、世界(せかい)のこと。
知(し)ろう、強(つよ)くなるために。
知(し)ろう、一歩(いっぽ)踏み出す(ふみだす)ために。
知(し)ろう、自由(じゆう)を守(まも)る為(ため)に。
新聞(しんぶん)で、未来(みらい)をひらこう。

中文版翻譯:
「我,還不了解
國家的事,世界的事。
去了解吧!為了變更強大。
去了解吧!為了向前邁出一步。
去了解吧!為了守護自己的自由。
閱讀新聞,揭開未來新的一頁。」

原來呢個係日本新聞協會嘅「報章週」廣告企劃,Kōki每個口形都代表一個字,將 74 個字串埋一齊,就會變成上述守護新聞自由嘅宣言。廣告內容簡單,但言簡意該,效果震撼!

睇埋Kōki喺香港嘅行蹤!落機嘅一刻,好多閃光燈!
行程嘅主要目的就係出席Chanel活動。
搭天星小輪遊維港。
 
膠通消息來源:日本新聞協會、Kōki Official IG


[圖擷取自網路,如有疑問請私訊]

本篇
不想錯過? 請追蹤FB專頁!    
前一頁 後一頁