我覺得自己唔再鐘意現任,因為我見到另一個女仔,我會「扯旗」

:0:1

我、20到尾，做左幾年野，普通正常男仔，
有個拍左6年多既女友，感情可以話「極度「穩定／不穩……
穩定係到冇乜野過1、2年就會結婚.
不穩係，大家都係對方初戀，但係我地依加感情可以形容為淡如開水，可以成個星期唔傾電話唔見面，
到weekend約出黎感覺又冇乜野,唔會嬲，呢1年都係不斷loop.....
由愛情變做感情變做習慣，呢一刻你問我，我會話同佢結婚都ok丫，無驚無險可以一世。
你話我係為"責任"而結，我都可以話係。
你話我已經唔愛佢，唔係，我相信有d拍長拖既人會明白「平淡「呢種感覺。
－－－－－－－－－－－－－－－－－－－－－－－－－－－－－－－－－－－－－－－－
一直都相安無事，直至近排我遇到「佢「

佢，細我幾年，新入職同事。有個大約3年既男友，都係初戀。
佢係一個平凡既女仔，係我一直鐘意既類型，有磁石般既吸引力。
咁大家相處得唔錯，輕鬆，舒服，相當多話題。
佢唔係多同男仔fd熟既人，即係平時除左男友外都係同固定女仔fd玩果一類。
（從fb相片分析，傾計得知）
咁熟左d，大家都close左。
Lunch有時會2個人食（唔係特登約）會share下食物。
有時會同佢係wtsapp傾計，可以傾到成日，唔會有deadair，感覺大家都想傾落去。
（so far佢係唔會主動問我「做緊乜「呢類野，我都唔會咁問，通常係我借d e問佢野黎帶開話題再傾無聊野。）
前排我問佢放工一齊做下運動，跑步打波etc，佢又ok wo，2個人單獨，冇提過話約其他同事一齊。

其實我地2個人識左唔算好耐，女仔呢part，你地可以話我諗多左。
－－－－－－－－－－－－－－－－－－－－－－－－－－－－－－－－－－
問題就係，我認對佢有好感，鐘意佢，我冇拍拖既話，就一定會追佢，唔理佢有冇男友。
但係我自己內心就不斷爭札：
1，我知我思想上已經出軌，我心係有內疚，就好似「心裡說不，身體卻很誠實「
2，暫時都唔知自己想點……可以肯定既，我享受噯味既過程，但係有道界唔會越過。
3，唔係想要同現任女友刻意分手
4，其實除左一面係享受噯味，另一方面其實好辛苦，
想同佢傾計問佢做緊乜，但又唔想做到好似好出面咁追佢。
（有一半係礙於大家有男女朋友，另一半驚佢覺得我係玩玩下既男仔）

5, 好多時間都諗起佢......會憧憬大家會有將來……
6，大家點批評我都冇所謂，我自問道德底線不低，我內心話我知成件事係唔o岩，我真係有諗過，如果冇遇見佢，唔識佢其實都唔錯，可以專心工作。
7，其實我只係想講出黎……

[圖擷取自網路，如有疑問請私訊]