男仔10個小動作就知道佢對您有好感



女人心海底針,令你點都猜唔透佢地諗緊乜野?定抑或實際情況係,你根本唔識得理解女人獨特嘅一套語言呢?好多獨身嘅朋友都成日以為自己無人鐘意,但其實好多時候或者只不過係你無用心去睇清楚身邊女性朋友不斷發放比你嘅一啲微小訊號,而你卻係蒙在鼓裡完全接收唔到。
唔想明明對方對你有好感,但因為自己蠢而白白錯失機會?咁就快啲睇清楚下面呢10點啦!
1. 千方百計搵機會見你


如果對方真係對你有好感,而且仲成日想搵機會同你見面,咁就係最大機會佢地想你地嘅關係進一步發展。例如你唔知佢食素,傻更更約左佢去鋸扒,但佢仲唔介意照話同你去嘅話,咁就意味左佢好想趁機認識你多啲。
2. 成日趁機掂你

本身你地兩個只係傾緊計,但唔知咩野嘅原因、唔記得左因為乜野嘅話題,佢地突然就笑到趴左喺你膊頭上面。有或者因為見到某啲野,佢就突然撞一撞你示意。以上種種嘅身體接觸,其實都代表左佢對你有好感。

3. 就算無見過佢身邊嘅朋友,佢地都認識你

本身你其實係唔識佢身邊任何朋友,但因為佢成日都會喺自己朋友面前提起你,所以搞到你一現身大家都好似已經識得你咁。好明顯地,佢地係非常重視你先會介紹你比佢嘅朋友知道。
4. 採取主動喺whatsapp直接搵你


假如女仔遇上左自己心儀對象,佢地好多時候都唔會介意,甚至係好樂意主動喺whatsapp搵你。而相反如果多數係你主動搵佢嘅話,咁佢地對你有興趣嘅機會就會比較低。
5. 唔覺得凍都話凍


「我對手好凍。」其實唔一定真係代表佢好凍,有時候只不過係個同你親近一啲嘅藉口。
6. 有求必應

無論佢地有幾忙都好,只要你一聲叫到,就算有幾唔得閒都好,佢地都會即刻衝黎幫手。願意同你一齊赴湯蹈火,明顯係對你有意思啦!
7. 同你單獨喺埋一齊嘅時候會唔同啲

同朋友同一場合出現嘅時候,佢係非常內向。但假如只係單獨同你一個見面,佢卻相反非常活躍、外向,顯露出佢真實嘅一面。如果有咁嘅情況出現嘅話,咁即係佢已經非常信任你,而且對你放下左戒心。
8. 望住你嘅嘴唇


從科學的角度嚟講,當一個人面對面同你傾計嘅時候,假若佢嘅目光係集中喺你嘅嘴唇,而且仲經常微微張開嘴唇,就即是意味左佢已經被你吸引住。
9. 同你講你好香

對於自己嘅心儀對象,好多女士都會坦白覺得較為吸引嘅男士係比其他人香,所以如果有女仔讚你香嘅話,或者你同佢喺埋一齊嘅機會都會高啲。

10. 你所有講嘅野都可以哄到佢笑

就算你明明搞左個爛到唔好笑嘅gag,又或者講左啲根本唔好笑嘅野,佢地突然之間都會喺你面前大笑。咁樣嘅反應其實就代表左佢地覺得你好有趣,想令你知道佢地好重視你。相反如果佢地對你講嘅任何野都無特別反應,咁即係你喺佢地眼中非常平凡,同普通朋友無咩分別。





 


[圖擷取自網路,如有疑問請私訊]

本篇
不想錯過? 請追蹤FB專頁!    
前一頁 後一頁