《城寨》砵仔糕老闆 歐瑞偉後生勁型仔

《城寨英雄 》就快大結局，福壽金同馮春美先後被花曼殺死，而柯萬長因為武功高強暫時冇死晌花曼手上，但竟然被外表忠忠直直、由歐瑞偉飾演嘅砵仔糕店老闆楊竹鑾打死， 仲要爆埋柯萬長當年戴綠帽兼幫佢養咗多年便宜女，激到柯萬長死唔眼閉！三大惡人死曬，終於輪到final boss出場，嚟緊仲唔系話變奸就變嘅歐瑞偉爆出？自揭幪面人身份歐瑞偉飾演嘅砵仔糕店老闆楊竹鑾，初期扮曬好人，晌第八集被福壽金威脅幫手運毒，意外毒害咗一班小朋友，內疚到跪低向家長認錯。點知去到21集終於 現形，除咗殺死柯萬長，仲自爆身份，原來當年殺死段通天嘅幪面人就系佢！佢仲想等三大惡人死曬之後，一個人包攬城寨所有黃賭毒！《愛‧回家》KC夠入屋其實歐瑞偉入行多年，雖然暫時仲系綠葉，但演技精湛，唔少角色都令人印象深刻，例如《愛‧回家》KC、《回到三國》關二哥、《東坡家事》蘇轍等。 做過劉德華替身54歲歐瑞偉本來系體操運動員，後來成為龍虎武師同武術指導，86年TVB開拍電視劇《真命天子》，睇中歐瑞偉做劉德華替身！後來劉華親自介紹歐瑞 偉報讀藝訓班，自此不斷拍劇。95年歐瑞偉曾移居新加坡，直到00年回流再返TVB。後生時嘅歐瑞偉幾有星味，難怪連劉華都揀佢做替身啦！ 來源：m.toutiao.com


[圖擷取自網路，如有疑問請私訊]