網民熱話：子華神劇重播 沉底金句翻生

有「神劇製造機」之稱慨黃子華又有傑作重播呀，今次輪到2004年慨劇集《棟篤神探》，一播就即刻喺網民間引起熱議！每次「子華神」一拍劇，就會爆出一大堆膾炙人口慨金句，《棟》劇亦唔例外，好多金句到今時今日都仲有人記得，而劇中多個經典鏡頭亦令大批網民回味無窮！經典劇情深入民心首先有網民熱推蔣志光「打格仔」慨一幕，呢一幕系講到子華神所飾演慨莫作棟喺洗手間向「方便」緊慨史高拔（蔣志光飾）問話，史高拔條褲除到去小腿位置，鏡頭仲突登幫佢慨重要部位打格仔，引起網民無限幻想！另一幕就系由郭峰飾演慨神棍喺劇中胸襲由姚子羚飾演慨Bebe，大批網民系咁用呢一幕改圖，發揮無限創意！金句逐句數之後梗系唔可以唔提劇中金句啦，雖然子華神喺《男親女愛》入面已經創造咗好多金句，但系《棟》劇都唔輸蝕，好似「若要人不知，唔好太低B！」、「唔使騰，No problem！」而蔡少芬飾演慨女主角李慧慧亦唔執輸，金句包括「唔在乎你有冇畀人奸，只在乎你交唔交到單！」、「你瓜我唔瓜大瀑布！」等等。網民又提到《棟》一劇除咗男女主角黃子華同蔡少芬系Perfect match之外，仲話配角都發揮得相當出色，整體嚟講《棟》劇可以話系冇得輸，定必好似《男親女愛》咁，掀起一輪追劇潮！ 網民有話兒由我xxx：仲記得嗰陣有兩個結局，我鍾意bad ending，死咗咪幾悽美，唔知點解要嘈到拍多個結局出嚟囉！黃子華都話過呢套唔系喜劇，因為死好多人，主角喺結局死慨話先系神來之筆！波斯xx：呢個時段最啱我呢啲「廢青」獨樂樂，但系如果凌晨播就更加好喇！心急xx：蔣志光同識時務者（魏駿傑）都好搶戲，好好睇！摸到xxx：以前幾鍾意蔡少芬，嗰陣同我老豆一齊睇笑到傻咗，次次死人都同蔡少芬有關！三眼xxx：呢套劇真系好多金句，又勁多好笑場面，又偷拍余慕蓮、又冰皮對酥皮、又「兇險畀女長人」！ 看《EU超時任務》《末代御醫》如果被取消回復1有新方法獲取資源連結正在努力修復中，大家不要著急 來源：news.twoeggz.com


[圖擷取自網路，如有疑問請私訊]