(最新消息) 周柏豪布吉結婚娶拍拖8年圈外女友

:0:0

32歲生日嘅型男周柏豪，雖然一直對感情事甚為低調，估唔到佢唔單止對愛情，對結婚一事一樣勁低調。
五星級酒店行禮
同圈外女友Stephanie拍拖8年嘅佢，原來已經靜靜雞喺泰國布吉結咗婚，據知周柏豪好友連詩雅都有喺婚禮現場。雖然唔張揚，但唔代表「求其」，佢哋喺一間五星級酒店Aleenta Phuket Resort入面嘅一個靚沙灘度，舉行咗一個好浪漫嘅婚禮。

喺一大班親友嘅見證下，柏豪同新娘子進行神聖嘅儀式，雖然現場好大風，但依然無損一對新人嘅雅興。喺儀式進行前緊張到磨拳擦掌嘅柏豪，完成儀式後，好肉緊咁一擁老婆入懷，嗰種煙靭，真係羨煞旁人呀！
孫慧雪入紙註冊結婚，下月行禮，估唔到圈中另有一件喜事搶先爆，就係——柏豪結婚了!

2014年，喺叱吒頒獎禮上連掃多個大獎嘅柏豪，喺台上發表愛的宣言，當時佢話:「感謝你陪我長大。好感謝你，我會跑快啲，跑到我哋嘅終點，我愛你，多謝你嘅耐性。」感謝任職i.t.買手嘅同居女友Stephanie Chu一直不離不棄。數月前仲話自己未有能力結婚、希望搵「雙倍」身家先至成為「兩家之主」嘅柏豪，原來日前已秘婚!

上周二仲喺fb放風話自己忙住拍大台新劇《使徒行者2》冇曬時間嘅柏豪，原來係放煙幕，翌日就同拍拖8年嘅女友Stephanie，擲過百萬請60位親友去布吉（包括唱片公司高層Gordon同連詩雅），周六(26號)傍晚六點，於當地一家五星級度假村舉行婚禮。一對身人在沙灘行禮，西裝筆挺嘅柏豪踏入人生另一階段，禮成後肉緊得擁著妻子錫錫，朱小姐身份正式成為周太喇!
恭喜曬周生周太!之前柏豪話過，想有能力先至結婚，因為自己係一家之主，「我鍾意照顧人，希望好似救世主咁，等身邊人唔使煩。」仲話希望太太婚後可以專心照顧家庭，唔想佢做嘢。