1990-1996出世既你,被稱為「被選中的一代」開始陸續出來工作...現在過得怎樣?!

:0:0

97或之前, 他們當中最大的不過是7歲...........7歲, 小時候的記憶, 還深刻, 還有印象嗎
他們打從有較深印象, 有記憶以來, 都是97後了, 亞洲金融風暴, 金融體系遭大er攻擊, 科網熱爆破, 911, 沙士, 金融海嘯, 豬流感...
或許, 在他們的世界, 在他們的想法中, 香港是如此的不穩定和不安穩...
所以在他們內心深處, 會想, 或許世界就係咁難撈...
但作為80後的我, 我只想講, 唔係架, 97前, 唔係咁架

1. 做一個貨櫃司機, 月入4皮, 當時m記一個餐只係15蚊
2. 當時出來工作, 努力工作, 幾年後, 唔洗30, 可以輕易做到經理
3. 當日公務員, 係被視為無用的職業, 無人願意做, 唔似而家咁
4. 當日社會真的很和諧, 當日不用強調社會和諧的
5. 當日準時收工的
6. 當日一個人打工可以養成個家, 包埋2奶都仲得
7. 當日大陸人視香港上為上等人
8. 當日創業易過借火, 成功率好高

....
都巿傳說香港九七前曾經遍地黃金，食魚翅撈飯都係等閒事，八十後巴打M_Verratti開咗個Post「九十後的人開始陸續出來工作」，比較之下而家嘅九十後錯過曬好景時代兼且硬食曬九七之後嘅衰嘢，真係好慘豬：「有記憶以來，都是九七後了，亞洲金融風暴，金融體系遭大鱷攻擊、科網熱爆破、911、沙士、金融海嘯、豬流感……或許，在他們的世界、在他們的想法中，香港是如此的不穩定和不安穩……」

啱呀，藍晨聽過老一輩曬命之後，認同九十後黑仔係事實：「我師傅話：『我哋以前hea 9咁做都已經有五、六皮。』原句獻上。邊有九十後hea？嗰班老屎忽撞正個檔期咋！」講到九七後環境越嚟越差，一路打一路眼濕濕嘅九一年心心虛表示絕對唔會唔記得：「最印象深刻係九七前次次行過玩具店，係次次行過都可以買一件玩具（多數玩具車）到咗某一日……再行過已經冇得再買……」聽落有啲道理喎，其他六七八九十後又有冇同感呢？入Post分享嚇啦喂。

[圖擷取自網路，如有疑問請私訊]