人生第一次問米...真係好堅

:0:0

我麻麻今年岩岩過身~d人話一百日新墓就可以問米...
我mummy又聽到d人話7月最易搵到.....
咁今日一早一行5人(我 dad mum 我姑媽&姑姐)去到大埔搵一個神婆
等試下搵下我丫麻
一上到...一見到個女人.....嘩又痴曬花甲....又化曬妝....
心諗:佢得唔得架~

是但啦....見佢$250問一次....就坐低...
一坐低我丫媽俾左$250果封利是佢....佢就拆左出黎...
一路摸住張紅衫魚一直唸野...
之後佢就同我dad講:「e?! 2個人一齊黎既?係唔係你爸爸都唔係到?」(佢d廣東話真係好難聽得明)
其實我爺爺真係10年前已經過左身...
之後佢話因為男尊女卑一家要同我丫爺傾2句先...
佢話:「有3個女係到!」其實我丫爺係有8個女7個仔。心諗唔多岩....
之後佢又話:「有3個女係香港!」呢次佢又岩wow....因為真係得3個係hk!
之後佢又話我丫爺同佢講女多過仔~~~ok又岩...
咁之後都傾多幾句...d野都ok.... 因為都岩...
好似佢講到我丫爺走果時因為屋企好窮無咩$剩底果d...

之後個神婆:「好啦!俾你老婆講下啦!」(ja係我丫麻)
問佢收唔收到我地d野...佢又講到我地燒咩俾佢...
之後我姑姐想試下佢....就問:咁丫媽收唔收到佢最中2既野~
個神婆又答到我丫麻收到副麻將.....重叫我地唔好再燒..因為我丫麻生前拜觀音 e+有修行果d 唔會打麻雀
(呢part真係岩曬)

突然佢又話又有另外一個黎左係我大麻麻(我丫爺有2個老婆佢上年過身)
佢黎到話我丫爺唔疼佢...又呷醋話我地燒俾丫麻d野新d 令d (其實我大麻生前都真係會咁呷醋)

其實重有好多....真係好準...
佢準到連我大麻同細麻有2個bb保唔住係一男一女佢都知.....
另外又話見到有孫.... 原來我媽咪係我出世幾年之後又有左...
不過果時屋企窮...佢只好落左佢...... 係一個男仔黎....
個神婆話個男仔問我媽咪做咩唔要佢...... 做咩只係要丫哥同家姐(ja係我同我丫哥)
我果刻真係喊左出黎~
之後佢可以好準確咁講我丫麻有13個仔女....(p.s 我地係西貢去大埔搵呢個女人係完全唔識佢)
佢咁我地講一早無左果2個一男一女(ja係我丫伯同姑媽)想結婚.......
之後又幫佢攪埋冥婚果d野.....
之後我丫媽果時落左個bb 個神婆話佢都差唔多二十...不如都幫佢搵個啦....

對家人都好d~~~之後又幫佢攪埋~~~
到最後d香就快燒曬.....我丫麻麻話見到我都有去...佢好開心
(佢生前我成日照顧佢我成日探佢)
果下我又喊左.......因為我真係覺得我麻麻果刻就係我面前。
後記:
其實以前我同媽咪去果d...好多都唔準又或者答d好空泛既野...
今次果個....佢答既野真係好多都岩......
唔知點解....今次我一d都唔驚... 反而覺得放下心頭大石....
因為知道麻麻同爺爺都好好........
去完之後...我下巴突然出現左一忽紅印....
我姑姐話可能係麻麻見到我好開心.....黎搣左我一下....
雖然係解釋唔到.....但我覺得有心去問....就要信...

另外今日先知道原本我係有個細佬....
佢可能無我咁好彩...但我都好希望佢係另一個世界都會開心~

[圖擷取自網路，如有疑問請私訊]