溝人地條女其實好簡單，仲要唔洗點用錢 ,包你溝到朋友條女

溝人地條女其實好簡單，仲要唔洗點用錢 包你溝到朋友條女



雖然我無乜興趣拍拖結婚，但係總會遇到有D渣男企圖埋身，我遇過其中一D真係想同大家分享下:行山獵艷我當初預科讀夜校，同學之中年紀有大有細，我識左個FD就叫P君，大家都係女仔，又鐘意動植物，所以有時都會約出黎一齊行山，點知有一次，佢話不如加埋其他人一齊行，行條耐D既路，我諗都無乜問題，就答應左。果日一出黎，原來果位新加男士係P君以前的同學，佢一開始就問我結左婚未，住邊之類，我覺得乜佢咁奇怪，同中學生講D咁既野，我果時乜都唔知，答完佢，佢就係咁講自己仲好後生，只係三十幾歲上下(都大我十年有多啦，嚇譁?)，有次在球場俾個七八歲小朋友叫佢:"叔叔，唔該踢返個波過黎"



佢話嬲到大力飛踢個波打到正個小朋友，睇佢仲敢唔敢叫人叔叔我果時嚇左一跳，咁過左三十歲，小朋友都係叫你叔叔/姨姨架啦! 點解要打細路!? 青年咁叫就話挑釁姐! 果時對佢印象十分唔好，不過都算啦，行山姐無所謂啦!我行山係慣左靜靜享受大自然，無遇到奇怪動植物都唔會開聲講野，而果位男士一路上不停講藍色生死戀(果時播)點好睇點好睇，我無回應，佢就係咁問我有無睇，係咪好正之類，我真係頂唔順，但仲忍住，我話我無睇，因為對愛情片無興趣，正常人都識收皮轉話題啦，佢竟然話不如講俾我聽! 我立即話:唔好!我最驚人愛到要生要死，好煩好討厭佢竟然仲係咁hard sell有幾好睇，仲不停更大聲更密集地講，忍左兩個鐘(其中一直行,我無講野,得P君回應佢)我心入面真係頂唔順啦~於是我就開口講:不如唔好講衣套戲啦，講下其他啦，好唔好?


佢居然話:係好睇呀嘛，咁你想講咩話題呀!? 我話:世界上有好多比愛情片有趣的事物，上至天文下至地理都可以架~唔好再講愛情片啦，唔該~佢就話:咁我地講唔關你事(我諗:但你一直嘈住我，好L辛苦呀!)我為左唔好吵架，就又忍落黎，點知呢個渣男係咁單單打打，話我點唔好點唔好，又同P君講話我唔及同學C君咁好笑容果時我諗:佢當自己邊L個呀?要人地賣笑? 另外，乜佢都見過同學C君咩?一直我都有忍，因為行成十二個鐘，行得辛苦就停低坐在石頭上回下氣，但就一直無再同佢傾偈了，因為唔想吵架，只想快D行完，到行完搭巴士出市區，果位渣男下車先，我就同朋友P君講:以後行山有佢就唔洗約我了，好難頂!


****後續****


就係P君不停向我推介呢條三才無一才既渣男， 話佢做實Q,好好仔,唔會周圍搞,放左工就返屋企之類,我只係話:我無興趣!! 而且我都幾討厭衣個渣男,個格唔好,真係爛貨!無幾耐, 畢業之後,C君完全無同P君聯絡(我好奇怪,因為佢地係一組,本來關係唔錯架嘛!)C君最後只係同P君講:我有男朋友架啦!衣家諗返,應該係渣男叫P君介紹女仔俾佢,P君分別搵左我同C君,但C君有男朋友,佢仲不停向C君推介渣男,C君就FD都唔同佢做,打電話都唔覆,而渣男見C君唔吼佢,就叫P君搵返我,我當然都唔會理D渣男啦!過左好幾年,我做左律師樓又同家人一齊供樓供到可以賣,朋友P君又舊事重題,話渣男重做緊實Q,無進修無個人興趣,繼續無女吼,問我食唔食左佢,我問P君:你無野呀?我都話左無興趣拍拖,你仲叫我食件爛貨?佢人格有問題架! P君就係咁話佢好好仔,我話:唔好話佢無錢叫雞，想搵女免費屌!?(係,我做左律師樓之後,把口衰左好多...)講真,佢係咁好P君就應該食左佢啦!佢都嫌渣男無出息,仲想周圍推介黎害人唔怪之得C君同佢絕交,之後過多幾年我因為同P君越來越傾唔埋,都無再同佢聯絡了.


*************


無獨有偶,上兩個星期我家姐又遇同一招!有個八年無見既朋友(已婚男)打黎搵佢,傾下近況,問佢就咩都唔講,淨係話普普通通,一知道我家姐做設計師做得好好攞左獎,就係咁問我家姐幾錢人工,之後仲係咁問佢攞近照,又話叫佢快D拍拖結婚,仲好侯禽咁叫約佢出黎行山(又行山!?你手上又係有一班渣男要推介吧?)我家姐一向都唔行山,拒絕左之後佢下星期又約過, 仲係咁話兄弟姐妹信唔過,唔好同我一齊買樓之類(咁快想邪花入宅!?)我家姐無回應佢,只係同我講,佢真係變左,以前唔係咁既人,我就話,乜近排多左咁多想扼女人錢既貪錢鳩架!寫上黎警惕下人都好!


[圖擷取自網路，如有疑問請私訊]