點解香港「豬柳強漢堡」會仲平過「豬柳漢堡」咁搞野?!?! 爆D內幕料你聽聽. . .

:0:0

其實果原因係咁既
豬柳強既原材料係包皮，蛋，豬柳，芝士
豬柳漢堡既原材料係包皮，豬柳，芝士
一：包裝成本問題
豬柳強比豬漢堡平既原因係咁既，首先先睇需求，根據非正式統計，在傳統包類中，豬柳強既需求係豬柳漢堡既6倍，魚柳包既1.5倍，巨無霸既3倍，煙火腿漢堡既8.4萬倍，因此為最受歡迎既傳統食品之一。而由於豬柳強既需求如此龐大，所以豬柳強既包裝紙印刷量亦相對增多。做過印刷既朋友都知，印刷品既野印得越多就越平，豬柳強既包裝紙印刷量咁燃多，自然每張紙既平均成本亦較平，反之豬柳漢堡吊你老母一日賣得幾多春個丫？所以每個豬柳漢堡既包裝成本自然比豬柳強既包裝成本高，此其一。
二：邊際利潤問題
豬柳強由於受歡迎，自然果銷量又高一層。而客人買豬柳強時，很多時都會加個細汽水，蘋果批，細薯條呢D邊際利潤高既產品，所以你以為一個豬柳強賺你幾蚊，其實實質上已經為老麥帶黎十幾蚊既邊際利潤。仲有，唔好忘記仲有班因為你條粉腸想食豬柳強，跟住唯有跟埋你去老麥食LUNCH既蛋散／同學／女朋友，所以豬柳強表面賣10蚊，實際上佢帶黎既效益已遠遠超越左個包本身既價值，所以豬柳強就算賣5蚊，老麥一樣賺到笑，但係為左避免有商人囤積豬柳強，再炒番出去賣，所以先至唔賣咁平。
三：訂貨問題
原本，每間老麥分店，訂貨好燃簡單，今個月賣左1萬個豬柳強，下個月就預番20,000塊包皮，10,000隻蛋，10，000塊豬柳，5000塊芝士，條數好燃易計。偏偏你地有班契弟唔食蛋，變左有時無啦啦訂多左幾百隻蛋。呢D蛋自自然然就做成儲存成本，尋根究底兇手就係豬柳漢堡。早幾年，麥記總部為左解決豬柳強同豬柳漢堡多左出黎既蛋問題，成立左個「解決製造豬柳強訂多左強問題委員會」，由世界各地既麥當奴專家組成，係法國開左幾次會先決定用"麥芝蛋包"解決呢個問題，但結果又做用多左蛋，豬柳存貨不足既問題，又成立左個「豬柳強唔夠豬柳委員會」，不過呢D又係題外話了。