膽大包天吳業坤想認識田蕊妮個「妹妹」？

:0:0

膽大包天吳業坤想認識田蕊妮個「妹妹」？吳業坤 (坤哥) 前年憑〈陽光點的歌〉、〈原來她不夠愛我〉等大熱K歌橫掃頒獎禮，人氣急升後得無綫重用，一劇接一劇！佢喺早前熱播的劇集《迷》中同視後級前輩田蕊妮 (阿田) 有大量對手戲，獲益良多，仲做埋好朋友㖭！另外近日阿田代言的女性潔膚液廣告片出街，膽大包天的坤哥竟然公然留言話想識阿田個「妹妹」，即時被前輩鬧爆！《迷》演技大爆發早前大結局的無綫劇《迷》中，坤哥同阿田飾演兩師徒，有大量對手戲。而且劇集結局篇高潮連連，坤哥有一段爆喊至眼鏡又起霧的重頭戲；而阿田則亦正亦邪，時而歇斯底里，真係少啲功力都演唔到！

恨拍續集據知早喺《迷》開拍初時，坤哥已經成日人前人後賣口乖，讚阿田靚女又話要向對方討教演技。而去到劇集尾聲，劇集反應甚佳，阿田的超班演技獲激讚，故大台有意原班人馬開拍續集。呢個時候坤哥當然加多兩錢肉緊，四圍講希望同阿田再合作，又喺IG公開多謝對方：「多謝你在我生命中出現」睇嚟佢真係好想孖阿田拍續集喎！

Cal姐變可愛阿田近日為某品牌的女性潔膚液擔任代言人，廣告中阿田笑容燦爛甜美，同《迷》入面的Cal姐完全係兩個人。佢仲同一隻同自己好似樣、叫「田妹妹」(即係阿田個妹妹囉) 的公仔有大量對手戲，仲自己變聲配埋音，網民睇完都紛紛大讚段片影得阿田好靚，而且仲展現出佢可愛的一面！

坤哥想認識「田妹妹」？只要有阿田出現的地方，坤哥就老是常出現，佢睇完阿田段廣告片後留言話：「下次開工介紹田妹妹比(俾) 我識呀」喂坤哥，雖然你依家同阿田好老友啫，但呢個廣告係講緊女性潔膚液，而大家都知道「妹妹」又可以代表女性的某重要部位，你竟然想阿田介紹妹妹俾你識…… 定佢其實講緊隻公仔呢？不過點都好，阿田見到都即時留言鬧爆佢！