【真實感受】第一次去日本後，15個感想！！

1. 原來日本好心天黑，係講緊5點就黑曬，的確係黑曬，plan行程真係要留意。2. 啲舖真係好早就收，一般8點已經收，就算秋葉原，大舖十點就閉店。難怪香港叫不夜城，証明香港人真係好夜訓，香港人既零售業，服務業，飲食業既工時真係好長。3. 日本人好鐘意追地鐵，其實好快就有車，我今日day 4,已經搭左好多次車，未試過等超過5分鐘，但日本人都會好緊急咁追車。4. 傳說日本車箱冇人講野，好靜，呢樣我唔覺，日本人一樣會講野，只係一定冇香港人，大陸人叫到全車聽到。5. 傳說日本街人冇人食煙，唔係冇，係極少咁解。6. 傳說日本街頭冇靚女，我見到勁多wor,起原宿已經好多，去到新宿仲多，就算我住既上野都好多。7. 日本好多mk妹都好神心，起代代木八幡宮同靖國神社都見到日本mk妹去拜神。8. 因為近排短時間內玩完人中之龍零同六，中曬毒，行程原本行程plan左幾晚都去歌舞伎町，但原本好細下，冇咩行。我去曬人中所有既場景同餐館影相就閃人。不過game中地圖真係照住整，我好似身在game中咁完全知道點行法。好多黑服，但邊有啲人講到咁危險，又話咩唔好一個人行。 9. 日本機舖啲人打virtua fighter 5 好勁，勁到癲，仲有鐵拳都好多人玩，而sf 5未見有街機，usf 5都唔覺太多，幾部咁。見到幾個日本妹打vf 5超超超勁，仲要幾靚下。圖後補。10. 傳聞話日本搭地鐵難，其實我用yahoo乘換app已經夠做，我由機場去上野，第二日上野去淺草，再由押上去秋葉原已經easy job.今日由上野去九段下，再去新橋，去台場真係冇難度。咪俾啲網站老點，講真，我去吉隆坡仲難。11. 唔知點解好多地鐵站都裝修緊，前後去左十幾個站轉黎轉去，好多都有工程。12. 日本人冇乜幾個會沖紅燈，俾著係香港冇車就過13. 真係冇咩人會掉垃圾起街，就算淺草仲見世通小店或者一啲賣串燒既小販會叫你食完，掉返竹籤起佢個袋度，俾著係香港,賣左俾你，你俾埋錢，你掉起街都關人鳩啦14. 日本好多矮仔都溝到個靚女做女友，好多女條仔都唔太得。 15. 去左涉谷十字路口，恨左足足差唔多廿年，終於去到，仲特別過條馬路來回5,6次，平時睇日本電影好似好長，但其實好快就過到去，而且可能我星期六既下午去，人流未叫多，個氣勢冇電影時咁勁。16. yahoo乘換好過navi好多，yahoo可以睇埋中途既站，但navi只係點對點，而且yahoo可以link埋yahoo地圖用，開個日本yahoo account,edit好曬，預先登錄站名會方便好快，好似代代木公園咁，你實搵唔到，第二個代係日文黎。========呢個係我行程，今日已經day 4,影左已經800幾張相，十幾段片，嘻嘻好多巴打之前都話個plan好差，其實親身測試，我日日十點半至十一點出門口，去得齊所有點景，係有啲趕既，但未至於走馬看花，反而夜晚真係好得閒，今日第4晚已經去左秋葉原兩次，同埋而家已經幾熟搭車果part,順好多。 ========呢個係我行程，今日已經day 4,影左已經800幾張相，十幾段片，嘻嘻好多巴打之前都話個plan好差，其實親身測試，我日日十點半至十一點出門口，去得齊所有點景，係有啲趕既，但未至於走馬看花，反而夜晚真係好得閒，今日第4晚已經去左秋葉原兩次，同埋而家已經幾熟搭車果part,順好多。via：TallManMan http://www.discuss.com.hk/http://www.discuss.com.hk/viewthread.php?tid=26398786 來源：www.discuss.com.hk


[圖擷取自網路，如有疑問請私訊]