公審就是正義？感覺自己有d俾個化妝師呃左！！

的而且確 大家都係打工仔 有汗出冇糧出 邊有可能接受得倒???仲要報埋警 警察都幫唔倒自己收番d錢 稍為有d良心 都會覺得APRIL好可憐所以我好想了解多d 睇下有冇機會幫倒佢 可能係share出去 可能係介紹朋友用佢(彈生意俾佢)但係當我愈睇愈多 我發現呢個APRIL似乎唔係佢講到咁楚楚可憐 甚至覺得自己有d俾佢呃左作為一個路人甲 有幾點我希望帶出泥大家思考下1. 根據化妝師原文, 佢係有收倒尾數的, 佢收小既只係$1300 2.5小時既ot錢 (時薪$520, 你冇睇錯), 佢一大段文字 相當有誤導性, 冇錯, 我一開始真係以為佢收唔足, 追左好耐, 再係comment度睇佢自己講佢收$10888 15hrs (時薪$725.8666) 係咪真係有汗出冇糧出咁楚楚可憐? 2. 根據佢fb, 2015年12月27日既一個STATUS"結算中，2015重有兩日bigday就完結，謝謝2015既客人們，一張張單都是支持鼓勵人家去開Party,我就一大早回公司執飾物出妝，人家未天光訓緊覺，我就飲緊咖啡化緊新娘，人家放工回家看電視劇，我就試緊妝或者出妝相，2016又是新開始，單數倒數近百，謝謝你們， 我既夢想又近一小步"如果一張單$10888, 100張單即係108萬8千8百, 佢一年搵成球, 同人計較果2.5hrs ot錢 會唔會太計較? 有d人或者話, 付出左收番回報好合理, 但我覺得, 人地如果已經俾左$10888+的士錢你, 而人地極度唔滿意你服務, 果$1300, 有冇必要嬲到要係人地大喜日子現場報警? 我真心覺得太小氣, 報警都算, 仲要網絡公審人, 我係潛在客戶都一定走, 點知合作唔愉快你會唔會網絡公審埋我?3. 原文 "我收到 1.的士費上的 一個一個數給我的毫子" 我好好奇, 咁多位睇緊我呢段文字既朋友, 你地有幾多個去過飲, 而又會袋住一堆毫子去飲? 你去飲都唔會帶毫子, 更何況你去做兄弟或者姊妹, 你大喜日子更加唔會帶添啦!!! 咁問題泥啦, 你邊度泥毫子一個一個數俾個化妝師? 咁樣似玩自己多d !!! 我相當懷疑! 而個化妝師又講到勁誇張 好似人地袋住70幾蚊毫子數俾你咁 4. 原文較前部分VS.較後部分 "由試妝，big day一見面,客人已是沒有水洗面，很多時不止是對我，只要不是拍攝中，全日都是一個洗面樣子眼珠在額頭，全日講野都係冇尾音既命令態度，全日未聽過佢對其他人講唔該。有一幕，我在準備用具，佢拖著裙擺，大聲瞪大眼睛呼喝我＂你係咪唔識得過黎幫我一下！！＂各位，是態度，明白嗎？我沈默，幫她把裙拉一拉方便佢行走，心中覺得佢思想小朋友，可能唔識表達禮貌。早上姊妹化妝師一早已經比佢開口問候"你知唔知自己做緊乜野？你自己化緊邊個都唔清楚嘅咩，不知所謂＂"VS."而當日表面亦冇起衝突，冇爭吵，一切都看似平靜，根本感覺唔到有異像，最後殺你一個措手不及。"呢一點我諗我都唔洗點解釋, 大家識中文都睇得出佢前後矛盾到一個極點, 朝早已經爆曬獲, 只係冇開口嘈, 咁你講咩冇起衝突者, 人地唔滿意你都完完全全feel倒啦, 你自己都咁寫, 你自己都唔順超人地, 咁你仲講咩冇起衝突者? 定係拎曬刀劈先叫衝突? 人地d姊妹嬲到要係你仲做緊野玩手機既時候偷影你, 可想而知你已經犯曬眾憎, 人地俾面新娘唔出聲xyz, 驚你化衰曬, 就好似去食飯, 食客唔敢亂吹單一樣, 驚d廚師加料, 你明唔明? (係, 又係去食飯既比喻) 5. 講到最後, 無論點都好, 你收左人地錢, 咁樣公審人, 係咪真係過份左小小? 講真, 睇你fb知你已經30歲, 你咁大個人, 有冇諗過咁樣會令到你將來既客仔驚左你而唔搵你, 到頭泥得不償失....人地就算真係有唔岩都好, 大喜日子, 咪讓下人囉, 都係1日者....將心比己, 如果你結婚, 你都想有個跟得化妝師, 隨時STANDBY, 唔洗打電話先叫得倒佢出現啦, 語氣差左小小, 你都想佢唔好同你太計較啦最後最後, 你搵咁多錢, 我真心希望你有報稅, 如果唔係有人好心提醒稅局去查一查你, 我擔心你會有事如果仲有番d良心既, 咩氣都出夠, DEL左個POST俾番d空間你前僱主啦By 愛過太深 香港討論區 ****************網友睇完撐樓主：——依家網絡公審好恐怖，喺網上寫幾個字啲人就信曬，啲花生友未知來龍去脈就係咁小人，過多陣可能會發現係另一個故事 ——$10888100張單即係108,880,0一年生意額係 $108,880,0 / 12個月即係每個月$90,740計返office租金(應該好撚平)每月日常開支購買化妝品成本化妝助手工資我相信 化妝師一個月袋5皮左右其實睇落好似幾好搵——講真,而家好多人聽完個個化妝師講既野,就即刻插,但從來唔見個個新人講返出黎一隻手唔會響,我覺得個個化妝師有D野應該無講出黎,講真,唔會有人無緣無故唔比錢,應該有D野做得唔好佢又有問題先出呢個情況當然,對新手自己又衰戇鳩,唔找清,你找清條數再公開都得,而家全港大部分人都認為你有問題 （完）前故事：2017年3月9那一天讓我上了人生重要的一課，做化妝8年了從未遇過 這種劣等人，化妝師 全日18小時工作那天完成所有工作的晚上，收尾數，我遇上了說我工作有一半時間都坐係度，憑什麼要出埋另一半半訂既尾數比我既＂特別客人＂，我沒有18小時都standby 在＂特別既客人＂身邊補妝，除左轉妝，我就係要你18小時企係客人隔離Standby呢個係最後兄弟說不付我錢既理由，這個理由就像老闆叫你收工後坐著ot ，這段時間你都沒事做，憑什麼多收人工一樣，在那一天我沒有午餐時間，我大可以轉妝後要求食飯，但我仍然選擇轉妝後跟客人外影， 外影時我有主動幫特別客人噴頭髮，擔心大風，妝容上不主張愈補愈厚，認識我既客人應該知道，我喜歡保持皮膚最水油平衡嘅狀態，唔會一味係咁拍乾粉，為補而補乾粉效果只會越補越乾，而唇膏是不脫色， 文章未完，點擊這裡閱讀全文! 來源：ladies.discuss.com.hk


[圖擷取自網路，如有疑問請私訊]