四個例子話你知：港女公主病，其實系你班港豬造成嘅！！

今時今日嘅香港已經出現女權過高嘅現象，眼見好多女仔受到另一半過分呵護，當正自己係公主咁，要求所有男人都要遷就自己。喺度想分享幾次經歷，希望巴打們唔好再做觀音兵，貶低男性嘅地位。1）幫襯過一個女髮型師，每次剪髮都會游說我染埋髮或者買其他護髮用品，啲語氣好似我要聽佢話咁。有次佢同我講男朋友好錫佢，送禮請去旅行之餘，仲會幫佢（個女髮型師）嘅屋企人找卡數，咁我就明白佢點解可以老奉要男顧客洗多啲錢。2）舊同學聚會，有個結咗婚嘅女同學話要同老公離婚，我以為佢老公做咗啲對唔住佢嘅事，但係佢話冇，老公仲好就佢添，只不過係自己覺得大家相處耐咗，生活冇哂情趣，所以想離婚，仲話老公大受打擊，想自殺。佢完全冇半點內疚，呢種揮之則去嘅態度令我好嬲。3）親戚喺一個社交場合介紹咗個女仔畀我識，佢係中產家庭出身，喺外國浸過鹹水，個樣幾清秀，於是我主動上前同佢握手同傾偈。但係佢嘅態度超級高竇，我每問一句，佢只係敷衍答一兩個字，而且表情好高傲，睇得出佢心裡面講緊：「你高攀我唔起！」我只有好冇癮咁行開咗。4）另一次同一個啱啱識嘅女仔去餐廳，大家一路都有傾有講，只係覺得佢冇乜笑容。之後佢有一個反應令我對佢嘅印象大打折扣，就係我見佢杯水飲完，主動幫佢斟水，點知佢唔單止一聲「唔該」都唔講，仲黑面責怪我斟得太滿，話「你叫我點飲呀！」之後我冇再約佢，因為覺得佢當男人係阿四。*********其實身邊唔少女仔都係咁，有啲女同事要男同事幫佢哋開門、換水、拎重嘢都唔會講聲「唔該」，就連男同事都覺得自己要有風度，唔應該介意，做成男人要服侍女人嘅風氣。我強烈覺得男女應該互相尊重，雙方都要付出。如果喺香港要用尊嚴嚟博取女仔歡心嘅話，咁我會選擇去其他地方搵另一半。 來源：ladies.discuss.com.hk


[圖擷取自網路，如有疑問請私訊]