【真人真事】人工從5K到24K，我自己都係過來人！

小弟讀書唔叻, 但又唔係包尾果D, 因為唔認真讀書屋企又唔係話有錢中五畢業就出黎搵野做, 當時中學會考只有零分, 可以話前路茫茫...不過自己勝在夠生性, 識諗, 自知讀唔成書就早D出黎社會做野搵錢講緊既係十三年前, 果時連見廚雜, 7仔, 售貨員好多工都唔請後來係勞記搵到份五金廠學徒, 人工只有5K, 過埋試用期得5.5K, 仲要返6日工諗返轉頭, 我都幾佩服自己, 當時人工咁低都做, 但無辦法...搵左好多工都唔請難得有公司肯請當然唔會嫌3嫌4, 同埋貪佢近屋企, 返工車程短, 所以我好珍惜份工一做就做左兩年, 人工都只上到6.2k, 最後因為人事關係而走結果就係我人生最灰暗既時侯...離職之後完全迷失方向, 唔知自己想做d咩, 無理想無夢想, 同條咸魚無分別想做既工又唔請, 日日係屋企做隱青, 夜晚就打機, 訓到下午先起身下午先開始上網搵工, 食飽飯就打機, 日日如是, 同廢人無咩分別除左屋企人... 斷絕同所有朋友來往, 唔想比佢地知道自己有幾廢..跟住咁岩屋企人經濟出左問題, 兩年來我辛辛苦苦草左9萬蚊比左6萬蚊佢地還數, 晴天霹靂... 之後失業左1年半既時間係哩段時間大大話話SEND左200份CV, 只得到20份工面試機會 當中遇過金融傳銷哩D求職陷阱, 好彩自己夠定力脫離到自己衰太簡擇, 地方遠既唔返, 人工低既唔做, 無奈你簡工同時...工亦會簡人唔知係咪有D野係整定...咁岩舊老細同阿頭想搵我返去幫手自己算係好勤力既人, 幫到公司手, 老細阿頭都算睇得起我無奈佢地只係口頭講... 並無實際行動鼓勵到我所以爭扎左好耐, 唔想食回草, 最後敵唔過自己心魔...硬著頭皮返去做人工無變...依然都係6.2K, 佢知我既狀況, 無條件可以講數, 始終要生活, 唔想再頹廢落去返到去受盡眼白, 聽到好多閒言閒語, 忍辱偷生, 我同自己講幾辛苦都要捱落去點都要草返D錢, 後尾走去報IVE夜校基礎文憑進修, 想拎返五科會考合格成積岩岩好淨返果3萬一次過用埋, 沽注一擲, 一星期上5晚堂, 返6日工, 簡直生不如死 每日先訓得果5個鐘...星期日難得放假都要做功課做報告溫書準備測驗考試..好啦, 足足捱左一年既時間, 終於完成個課程, 我都估唔到自己會捱得到不過當中我有向公司遞過兩次信辭職, 因為有想過放棄...真係好辛苦好想只係專心讀書, 但人係犯賤, 老細每次加我$500人工留我所以最後都向錢低頭, 人工去到7.2K, 但最後做夠一年又辭工唔做係哩一年裡面我識到個女朋友, 一齊左半年時間好短暫走既原因主要係被當時既女朋友嫌棄...覺得同我一齊無前途, 比唔到幸福佢... 哩樣野確實係事實...我亦都無挽留種種打擊下我終於頂唔住而辭工, 跟住半年時間無做野, 日日等運到好似以前咁做回隱青...心情三重打擊, 女朋友無左, 工又無左, 屋企人又唔體諒 真係有諗過去輕生... 情緒變得好負面好消極, 一路都搵唔到工...試過做過幾日地盤散工雜工... 但到最後過唔到自己果關而無做唔甘心自己落得如此下場...覺得自己咁辛苦讀完個課程唔應該係做地盤... 應該會有更好既出路...結果個天都對我不薄, 比我搵到份文職做, 人工有8K, 返五日我無文職經驗都搵到文職做真係開心過中六合彩...但係惡夢只係岩岩開始....我開心得太早....由我入去做開始無一日開心過哩份工我只係做左半年, 短短半年我已經感受到辦公室政治有幾咁可怕當時我做既部門人唔多, 十隻手指數得曬, 但人事關係非常複雜, 分左好多圈子我唔好彩新入職, 選擇錯左某個圈子而得罪左第個圈子... 結果比人玩到傻, 返工時間唔比野你做, 又唔比你做其他野ON居居坐足成日, 收工先黎比野你做, 仲要無OT錢比人好似讀書時期咁欺凌, 每日返黎見到我個位勁多垃圾, 亂到不得了行過我個位就打踢D野, 發出聲音打擾我, 將D野掉到好遠然後叫我執返當我係狗咁樣, 每次LUNCH TIME當我阿四, 叫我去拎位買野食拎野等等最恐怖係人身攻擊, 每次叫我都掉野過來, 又係當眾面前打我個頭真係唔敢想像以前既自己有幾懦弱有幾咁無用自己有嘗試過反抗過表明立場, 但換來後果只係越來越嚴重..當時部門阿頭見到都當無事發生, 因為佢都係果個圈子既人但都好彩有其他同事幫我解圍過可能你地會有疑惑, 當初遇到咁既情況點解即時辭職唔做 點解會啞忍到哩個地步, 真係無辦法, 考慮到以上既處境我真係好需要一份工而且咁難得搵到份文職, 我以為只要忍讓下就可以捱得過..但原來係唔得...作為一個男人, 尊嚴係好緊要... 以前讀書既時侯見得多同學被欺凌, 點都估唔到會發生係自己身上 如事者又失業半年時間, 面對過幾次失業, 都已習以為常以為有五科會考合格就資格考政府工, 入境海關警察消防通通考過體能過曬係過唔到筆試同最後面試...對人生感到無望...再無動力去搵工....甚至做人....係哩個時侯我明白到...原來現實真係可以好殘酷但係天無絕人之路, 正當我放棄既時侯, 個天又再比機會我我不斷咁漁翁散網咁SEND CV ,係又SEND,唔係又SEND 搵工搵到傻左, 務求事旦有一份中已經好滿足...咁岩有一份工面試成功, 做返以前老本行, 不過性質唔同做跟單批發一入職人工有8K 返5日, 福利仲好好, 哩份工一做就做左7年憑自己努力, 唔遲到唔請病假唔曠工, 比其他人付出多一倍既努力 文章未完，點擊這裡閱讀全文! 來源：www.discuss.com.hk


[圖擷取自網路，如有疑問請私訊]