憑《一屋老友記》細寶上位，曾因窮與拍拖四年女友分手！

以「童顏靚聲」見稱的張彥博（阿博），演出歐陽震華、滕麗名主演的TVB劇《一屋老友記》中「細寶」一角成功彈起，人氣上升的他原來背後歷盡財困辛酸，出道挨足十六年仍然窮到燶！他直言其銀行戶口曾經長期一百蚊都冇，出門開工搭車都冇錢，搞到要問家人借錢搭車！阿博說：「戶口成日撳唔出錢，冇工開就匿起屋企。」阿博坦言窮到燶的日子令他自我厭惡到曾有輕生念頭，更一度懷疑自己患上抑鬱症：「咁大個人仲問屋企人攞錢系種屈辱，我當時好憎自己，曾經想輕生，亦懷疑有抑鬱，好彩有信仰一路支撐住我先無事！」他大爆擔任過各種基層工作，例如派傳單、茶餐廳侍應、救生員、電腦維修員等等，他說：「我咩工都做過，特別做咗九年室內池救生員，仲兼職派傳單，不過我當全職咁日日派！（財政拮据持續幾耐？）從來都拮据，我依家都拮据緊，只系娛樂觀眾系我夢想。」樂隊出身的阿博直言全靠樂觀性格面對抨撃聲音：「我廿幾歲想做歌手，組成過樂隊後自己再參加全國歌唱比賽。之後自己敲門參加無綫藝訓班面試入嚟。（過程中想過放棄？）自得其樂。（被人抨擊？）一定有，屋企會叫我『醒啦！』唔止家人，身邊同學有曬事業，我仲好似發緊夢。但家人最後都有支持我，仲有信仰。」 同拍拖四年女友分手目前單身的阿博透露早前與交往四年的圈外女友分手，只因自覺無法給予對方未來而分開，認真慘慘豬！阿博稱有車有樓才敢娶老婆。他說：「一個男人畀唔到將來人哋，女仔屋企都會驚。我得幾千蚊個月，有錢就投資曬樂器，另一半好難挨。所以我想有樓有車先接個老婆返嚟。如果咩都唔使你付出，由我做曬咁咪好囉！我寧願所有嘢都畀曬你，咁就唔使唔開心。」 來源：m.toutiao.com


[圖擷取自網路，如有疑問請私訊]