網上票選：今年TVB最不想見男女藝人，誰是第一？

:0:0

關注第十位：田蕊妮雖然身為視後，系《鬼同你OT》入面生鬼嘅演技都令到觀眾十分受落，可惜上年原班人馬班底嘅《來自喵喵星的你》就嚇怕唔少網民，因為覺得佢唔夠「貓俏」、「幾十歲仲扮可愛」唉時間同惡頂，劇集仲錄得16.1點嘅超低收視，成為歷年來最低收視嘅台慶劇。

第九位：陳凱琳一向無觀眾緣嘅負評王陳凱琳今次暫時第九名，真系令到好多人大跌眼鏡，可能系而家播緊嘅劇集佢無份演出啦！由起初民選雙料港姐冠軍，到而家被稱為收視毒藥真系天淵之別。短短几年就擔演五部重頭劇，自從喺《張保仔》開始擔正做女主角之後就簡直系神憎鬼厭，由於網民批評佢演技生硬、表情浮誇、兩分鐘尖叫20次、鬼鬼的嘅外貌襯唐裝就已經夠令人頂唔順。之後，雖然keep住曝光率十足，不過佢喺《巨輪II》入面嘅演技亦仍然無進步，繼續被指表情及動作勁誇張，睇嚟陳凱琳要多啲搵男朋友鄭嘉穎補下習先得喇！

第八位：許廷鏗參加完《超級巨聲》後，許廷鏗雖然十甲不入，但憑住人氣簽約成為無綫藝人，之後更籤約唱片公司，成為「巨聲幫」第一位出唱片嘅歌手，唔少派台歌亦深受樂迷歡迎。但系出多幾首歌之後，大家都發現佢啲歌嘅曲風都系差唔多，一聽就知系佢唱。再加上，近年越來越多劇集主題曲都系許廷鏗唱，無綫經常洗腦式咁播，聽得多觀眾梗系厭啦！

第七位：吳業坤坤哥嘅人生就好似過山車咁，參加完《超級巨聲》之後就不被無綫重用，仲要喺早兩年嘅《萬千星輝賀台慶》中做「棋」，令到一班網民都戳佢唔抵。不過自從無綫幫佢出左歌之後，佢嘅星路一帆風順，甚至奪得「新人金獎」吐氣揚眉。不過人紅是非多，近來被揭發經常溝女，又口不擇言亂講野，一班原本同情佢嘅網民好失望。最近仲被指因人氣高企囂爆，搞到冇曬朋友要孤獨慶功。

第六位：蕭正楠蕭正楠喺上年播出嘅劇集老是常出現，仲要擔正做主角，不過就被網民批評佢「完全無主角味」，「未能擔大旗」、而且演技氣場又單薄又弱。、來來去去都只系得一個精神緊張嘅表情。不過又唔可以完全怪曬佢嘅，《巨輪II》呢種劇集並唔系一般香港人鍾意睇嘅劇集，再加上同佢同劇嘅有陳凱琳，仲要同佢做一對，令到一班觀眾更加唔想見到佢。

第五位：吳若希之前喺類似嘅排行榜就已經榜上有名嘅吳若希今年仍然憑著洗腦歌、同埋佢嘅高八度金句：「好叻呀！」「典解嘅？」、加上零演技但系又夾硬俾無綫安排拍劇兼瘋狂唱主題曲等，成功令到網民見到佢都眼冤。不過佢家下大緊肚，今年都應該唔得閒工作，各位終於可以抖一抖。

第四位：傅嘉莉憑著清純外貌成功上位嘅傅嘉莉本來前途一片光明，劇集《衝上雲霄II》中飾演咖啡妹更深得一眾宅男喜愛。不過後來佢被指姣黐陳展鵬、又傳周旋兩個富豪之間。再加上佢喺而家播緊嘅《財神駕到》擔正，可惜演技認真麻麻，搞到一班觀眾同網民都睇唔過眼，紛紛投票俾佢。

第三位：蔡思貝憑著超煩膠嘅高音成功令佢成為第五位，喺擔正嘅《潮流教主》被網民批評佢演戲一直冇進步、把聲又太尖太嘈、勁多懶音、成日扮天真，「走音式」講野令人聽得好唔舒服等等。之後播出嘅《純熟意外》佢終於唔洗再飾演新人，壓低把聲演繹角色，觀眾對佢嘅表現先有少少改觀。另外，喺而家播緊嘅《味想天開》好彩有一個把聲煩過佢嘅何雁詩，如果唔系佢嘅排名可能會仲高喎～

第二位：洪永城起初同翠如BB一齊拍旅遊節目反應唔錯，不過自從開始左佢嘅拍劇生涯之後，觀眾對佢就開始反感。演技差當然不在話下，喺上年擔正《張保仔》開始，就經常被指「一口懶音扮鬼仔」、「以為自己好型」、「零演技」等等，去到而家播緊嘅《味想天開》洪永城又做男一，劇中開頭飾演一個黐脷筋但系擁有金舌頭嘅鄉下仔，唔少網民都話佢戲屎、冇字幕聽唔到佢講咩等等，令到佢成功登上第二位。

第一位：黃翠如翠如BB究竟系點樣由宅男女神成為2017年最唔想見到嘅藝人第一位呢？同陳凱琳、蔡思貝一樣喺演技未夠熟練嘅時候就被無綫力捧，不過劇接劇嘅翠如BB演技未有太大變化，早前嘅《幕後玩家》演技就被網民取笑佢淨系得一個表情，就算俾劉佩玥捅幾刀都零痛楚、眼定定擘大個口，演技麻麻就當然架啦，不過都仲未系佢最大嘅死因。上年向消防員致敬嘅時候由於上傳左一幅笑容滿面嘅相片而被網民批評佢唔尊重消防員，而被網民以粗口問候。其後佢就表示自己好驚粗口，覺得網民講粗口對自己好大傷害性。不過後來就被網民搵番佢多年前喺節目中曾經講過：「人生有啲時候，難免好想講粗口。」來質疑佢講一套做一套，仲稱佢為「偽人」。