港媽埋單向收銀掟信用卡 歪理教女網民嬲到爆

正所謂行行出狀元,每一個行業都需要有人願意去做,社會先可以正常運作。不過,總會有人自以為高高在上,睇唔起其他人之餘更會用說話去傷害人。早前有網民投稿至「西客之道Hispitality Secret」Facebook專頁,表示過往做兼職時,就曾經受到顧客不尊重對待。
撰文:Evita | 圖片:新傳媒圖片庫、西客之道Facebook
Cap嚟見我
港媽埋單向收銀員掟信用卡早前有網民投稿至Facebook專頁,回憶當年考完公開試後,就做兼職售貨員,而事件發生嘅當日就被派去做收銀位。(樓主並無表示做邊個行業)
示意圖,非涉事店舖示意圖,非涉事店舖樓主話舖頭位於香港中產區,經常都會有好多家長幫襯,而當日就被一位家長受到不尊重對待。樓主指當日為呢位家長收銀,詢問要唔要膠袋時,家長竟然用「掟」嘅方式,將信用卡「掟」出嚟。
樓主指當時心諗點解可以喺個女面前咁無禮貌,收完錢後諗住件事都算,點知……
家長:「嗱!阿女,要努力讀書啊,唔係大個就會好似呢個姐姐咁㗎喇!」
《親親你好媽》劇照《親親你好媽》劇照不過身為著重「好客之道」嘅香港售貨員,當然只能喺心裡咒罵,樓主心諗:「咁睇唔起sales,就唔好出嚟買嘢」,又話「最慘係個女畀佢灌輸曬啲錯嘅價值觀」。
港媽超市內教女唔好做理貨員其實早在兩個月前都有類似投稿,有做超市理貨員嘅網民指有港媽帶同囡囡行超市,過程中同囡囡嘅對話令網民嬲爆!
網民指有日同同事喺舖頭執貨架時,聽到有細路女問媽媽:「呢兩個姐姐喺到做啲咩啊?」
港媽:「呢兩個就係啲執貨嘅人,要搬搬抬抬好辛苦架!」
示意圖,非涉事店舖示意圖,非涉事店舖網民就話聽到呢到都正常,唔想出聲,點知跟住嘅對話先乞人憎。
妹妹:「點解辛苦嘅?」
港媽:「因為呢兩個人讀書唔成,所以要做埋晒呢咁下賤嘅工種,要喺度執埋晒啲狗屎垃圾,你大個要孝順我啊,唔好似佢地咁啊知唔知?」
網民聽到嬲爆,表示做呢份工養得起自己同父母,完全對得住自己,而非港媽口中所講嘅下賤。
示意圖,非涉事店舖示意圖,非涉事店舖
於是網民就同同事大聲扮傾偈:「我哋喺度執緊垃圾,咁入嚟嗰啲係咩人呢吓?」
同事:「嗰啲咪就係入嚟揀垃圾囉,我地袋住人工去執啲狗屎垃圾,慘過有啲人仲要畀錢買啊陰功。」
港媽聽到呢番說話後,不禁大鬧「你哋呢啲咁嘅人識得啲咩啊?」而同事都忍唔住回應對方係怪獸家長兼玻璃心。
不過港媽都唔執輸,以「抵你成世打呢份工啊!做埋晒呢啲低級工種!」回敬。網民就表示「真係咁高級就唔洗幫襯我地呢啲貧民窟啦!」
示意圖,非涉事店舖示意圖,非涉事店舖事件喺Facebook發布後,得到大批網民鬧爆港媽「唔識尊重人」、「狗眼看人低」,「做緊大學去超市做兼職好正常」等等,亦有人擔心事件中嘅囡囡大個咗會變咗阿媽咁野蠻。



[圖擷取自網路,如有疑問請私訊]

本篇
不想錯過? 請追蹤FB專頁!    
前一頁 後一頁