巴打：係未玩9佢？51歲鄭伊健初代寫真曝光 呢個動作相信打死佢都唔會再做！

《古惑仔》五兄弟再度同場演出電影《黃金兄弟》，口碑同票房都十分理想！當中主角鄭伊健更是大家的焦點，而古惑仔亦係當年MK仔嘅模仿對象！絕對係MK界嘅驕傲今次就和大家重溫他的九十年代圖片、經典電影角色、寫真集靚相！
閱讀全文
重溫51歲鄭伊健90年代靚相93年 陽光男孩93年初26歲嘅鄭伊健已作歌影視三棲發展，依然以88年出道以嚟嘅短髮 look示人，短頭髮嘅伊健予人清爽健康充滿陽光氣息嘅感覺。

93年 因病留長髮93年尾鄭伊健拍劇集《射鵰英雄傳之南帝北丐 》時因病休假，因懶打理令頭髮愈嚟愈長，伊健覺得幾好睇就 keep住留唔剪短，呢個長髮襯一身三件頭孭西裝動作，份外瀟灑有型。

94年 長髮旺事業94年初鄭伊健憑第三張專輯《 On Stage 》大賣而爆紅，令伊健深信長髮為佢帶嚟好運兼有利事業，一留就留咗廿五年成為佢嘅標誌，相中嘅佢西裝褸鈕只扣一粒，放蕩又不羈。

95年 出首本寫真集95年鄭伊健出版首本寫真集《 natural 》，由朱祖兒擔任美術總監，全書喺日本取景，充滿田園氣息，加上精裝厚皮製作，相當揼本。而呢個動作相信佢以後都絕對唔會再做！

寫真集中有伊健的出浴照，女粉絲睇到咿嘩鬼叫。不過呢個角度真係好小攝影師會咁影，濃密到呢！寫真集內鄭伊健大部分嘅相唔係半遮就係側面，呢張喺廢棄旅遊車內躝地相係全書較為正面嘅一張。當年28歲嘅伊健，出道近十年，仍然一臉稚氣。96年 演古惑仔爆紅鄭伊健96年迎嚟事業大突破，憑改編漫畫嘅電影《古惑仔 》黑幫洪興銅鑼灣揸 fit人陳浩南一角爆紅，一身紋身有型有格、有情有義，成為伊健最經典代表作。

98年 《風雲》飄逸聶風鄭伊健98年接演改編自馬榮成經典漫畫《風雲》，扮演英俊瀟灑、玉樹臨風、剛正不阿嘅「風中之神」聶風，飄逸feel形神俱似，至今冇人能夠超越佢。

99年 《中華英雄》華英雄馬榮成經典漫畫《中華英雄》99年搬上大銀幕，搵嚟鄭伊健演繹命格天煞孤星嘅主角華英雄，片中一頭白髮，嗰份滄桑孤獨cool爆感比起何家勁版有過之而無不及。

熒幕情侶 陳松伶鄭伊健嘅最佳熒幕情侶絕對係陳松伶，91年至 95年間兩人合作了七部電視劇，大部分都係演情侶，成為當時最受歡迎熒幕情侶，睇番《92 鍾無艷 》嘅劇照，兩人相當合襯。

延伸閱讀：生日願望漏風聲 鄭伊健 明年2月紅館開騷在場有人大叫問佢有乜生日願望，伊健立即雙手接過蛋糕然後話：「生日願望，希望可以再上舞台啦﹗」全場大叫：「紅館﹗紅館﹗20場﹗」
鄭伊健見到大家為佢送上嘅生日驚喜，表現得好開心，但又一啲怕怕醜咁﹗
在場有人問幾時，伊健話叫大家留意住微博、facebook同Istagram。之後伊健話︰「喺beautiful day裡面，最緊要朋黨，冇朋友係做唔到，多謝咁多位。」
伊健講出生日願望係再上舞台，大家等咗足足六年喇﹗聽到伊健叫大家留意佢嘅社交網，似乎正在籌劃之中喇喎，有傳聞指明年2月伊健會喺紅館開個人演唱會﹗相隔六年再喺紅館開騷，相信唔單止係伊健嘅生日願望，亦係好多人嘅願望嚟㗎﹗ 
有人大叫「唔好喊」，伊健配合地扮喊﹗伊健扮扁嘴問點解冇蠟燭？工作人員立即豎起手指公扮，伊健亦搞笑地扮吹蠟燭﹗


[圖擷取自網路，如有疑問請私訊]