【正式封盤】女友婚前壓力爆煲　霸氣木偶哥：頂L住呀！ | 真心膠 | 膠Hub

木偶哥林師傑和歐陽巧瑩（Tammy）拍拖4年終於決定結婚，佢地將會係11月22日拉埋天窗。最近準人妻Tammy自爆情緒爆煲，好彩林師傑拆彈成功。
閱讀全文

唔知係咪患上婚前恐懼症嘅歐陽巧瑩，咁樣回答：

「我唔係婚前恐懼呀！呢個係一直都有嘅問題，只係冇去面對，人生梗有一啲自己未夠膽面對嘅問題，又唔關婚唔婚前事，純粹呢段時間有好多嘢搞，所以呢件事被林師傑發現到，強迫地令我對自己坦白、對佢坦白、對屋企人坦白，解決咗都好，解開心結嘛！」

木偶哥則就好體貼咁表示：

「其實呢個關乎成長，家家都有本難唸的經，最主要透過搞結婚呢件事，我做咗佢哋一家人溝通嘅橋樑，依家我享受緊做一個仔、哥、細佬、丈夫，點樣喺舒服底下保障到自己屋企之餘，亦令到佢屋企舒服。」

睇住佢地咁sweet，真係好閃。木偶哥除咗感謝一班好友幫手之外，仲繼續大講情話氹已經成為未婚妻嘅歐陽巧瑩：

「依家自己好有成功感，亦見到Tammy對我越嚟越有信心，係覺得正嘅，覺得好似天跌落嚟可以當被冚，冇乜大壓力，兩個人係活緊一條命，所有嘢係冇問題，係搞得掂！」

早前佢地仲被影到齊齊sweet住去睇婚禮場地，有傾有講好鬼sweet。

婚後會唔會組夫妻檔演出呢？
睇返佢哋早前嘅拍拖相都覺得好sweet

期待佢哋兩公婆一齊做show吧！
一個「巨聲幫」出身，一個港姐出身，佢哋好快就會多一個身份：人夫同人妻。

準備好派帖未？



[圖擷取自網路，如有疑問請私訊]