老婆大肚王祖藍大解放　上樓撳鐘仔揼骨爽一爽？ | 娛聞樂 | 膠Hub

唔聲唔聲就到2018嘅年尾，最近王祖藍全力籌備緊自己第一次執導嘅賀歲片《你咪理，我愛你！》。星光熠熠之餘，佢都好努力，前幾日就有人見到佢通宵拍劇之後僅用$140按腳休息。
閱讀全文

《你咪理，我愛你！》係王祖藍第一次做導演，佢碌盡人情卡搵嚟多達60位好友參與演出。為咗趕進度王祖藍30個鐘無瞓，chur報自己。凌晨4點喺山頂開完工，再拉隊落西環繼續拍。轉景期間，佢飯缶攰到食唔到，搵咗間按摩店休息。

被指為「2億樓王」嘅祖藍，對屋企人好豪爽，但自己就好慳儉，見搵咗間平民小店，僅用咗$140元按腳，坐低就極速訓著仲發出陣陣鼻鼾聲。
 雖然身家億億聲，但公屋出身嘅王祖藍難得無「一朝富貴，喪失理智」，生活依然貼地，平日會搭港鐵、愛以超市餐包配老婆靚湯做午餐。王祖藍畀$140「快叉電」就快速走人，去附近粥舖會合工作人員，再繼續開工。

 

近年北上發展嘅王祖藍，賺到笑，佢一擲1.6億喺白石角買咗三間豪宅俾屋企人，其中一間仲係超過1億嘅頂層特式戶，仲用太太名義購下，錫李亞男錫到燶，所以呢排佢都好努力繼續密密搵銀。

今次佢可以一完導演夢，李亞男都非常支持佢，甚至專程外賣牛肉麵上山慰夫，等老公有啖好食，幫佢打打氣。有時仲陪王祖藍出席活動。
 
 


[圖擷取自網路，如有疑問請私訊]