大學生維園露宿6年　網民鬧爆：有手有腳乞飯食？ | 真心膠 | 膠Hub

唔知大家對露宿者點睇呢？如果有人同你分享佢流浪街頭享受生活嘅感受，你又願唔願意聽下呢個維園犀利哥嘅故事呢？今次肥仔黎唔係想同大家分享膠事，而係一個香港地真實發生嘅另類故事。
閱讀全文
Simon Lee，自稱維園犀利哥。自從2012年開始佢就喺維園展開佢嘅露宿生活。或者你會覺得佢係身欠鉅款，一事無成嘅阿叔。但係瞓街頭係佢個人嘅選擇，呢個係一個快樂露宿者嘅故事。

身兼Blogger嘅犀利哥，今年已經52歲，如果喺街見到佢你絕對唔會估到佢係一位露宿者。穿著企理正常，談吐舉止都同常人冇咩唔同。曾經係中產人士嘅佢，大學主修化學。以前一路做開寫字樓工作，雖然唔係大富大貴，但都生活無憂，仲有自己嘅私家車，但佢毅然放棄一切選擇依家嘅露宿生活。

放棄本身穩定工作後，佢一開始喺澳門從頭開始。曾經開過補習社，但係最後都填補唔到內心嘅空虛。佢開始呢種現代苦行憎嘅生活。喺澳門靠賭場嘅免費食物維生，仲食到賭場報警，佢就被澳門警司遞解出境。

佢咁樣解釋佢選擇嘅原因：

「我唔鍾意被束縛，流浪自由開心得多。」

依家佢住喺維園，每日6點鐘起生，去M記梳洗再食埋2手早餐，仲順手清理埋張台之後，佢就會去中央圖書館睇書上網寫blog。透過上網去學嘢，用其他露宿者送俾佢嘅電話去影低所見所聞，喺blog分享自己露宿點滴。
唔好以為露宿冇乜技術含量，犀利哥知道銅鑼灣一帶飲水機，叉電同埋廁所位置，甚至中央圖書館邊部電腦最快佢都知。
犀利哥話佢最感激就係銅鑼灣嘅錫克廟。星期一至日，無論風吹雨打都照常開放，免費提供膳食，仲要好鬼好食。犀利哥鐘意呢度嘅炸雜菜pakora，同埋香料奶茶。犀利哥係個好懂門路嘅露宿KOL！

呢到就係犀利哥全部家當，全部都係身活所需品，冇錢都冇乜享受。佢識得自重，每日都清潔乾淨自己，做乜都會顧及其他人嘅感受，抱住唔好影響到其他人嘅佢做乜都好有手尾。

佢冇攞綜援，自己真係身無分文，平時喺街執到嘅神沙佢都係攞嚟買旗。
佢一路有自己嘅主張，佢希望自己嘅讀者係社會中最成功嘅一群，佢希望透過自己嘅分享改變大家對露宿者嘅偏見。

「市民對露宿者有很多既定壞印象，多少也因為很多露宿者自己做得不好，影響了別人。我寫blog，是希望讓大家知道露宿者有很多種，不是只有污糟邋遢、予取予求的那一種。」

.
網民對佢嘅故事都有好極端嘅睇法，佢地有部份好支持，但都有人批鬥犀利哥。




膠通消息來源：蘋果日報


[圖擷取自網路，如有疑問請私訊]