麥明詩專揀playboy？　‘‘佢有幾多性伴侶都冇關係’’

《#後生仔傾吓偈》話題不嬲都講到好深入，再加上啲主持，好似馮盈盈同麥明詩，成日講嘢都咁有味，又真係令個節目好有睇頭，今次麥明詩講起ex又發表出位偉論。Cap嚟見我
第152集就講到情侶相處嘅底線，麥明詩講起ex都有啲隱晦，可能都唔係幾想諗返起掛，不過佢啲ex都試過踩過佢底線。最令麥明詩接受唔到嘅係男友冇啦啦發脾氣，會搞到相處唔舒服。仲有郁手同打家私都係底線，麥明詩仲話：「打梳化一定唔得」。




佢地仲有講起有過幾多ex嘅問題，陸浩明就話男仔通常會報細數，而麥明詩就覺得男友有幾多ex都冇問題，自己寧願揀「有玩過」嘅男仔，佢話：「我寧願佢細個試過玩過，總好過佢之後先發現花花世界嘅美好，起碼佢知道女仔又索又靚都無咩大不了。」


 
麥明詩仲話：「佢未同我一齊之前有幾多個性伴侶都無關係，佢想探索係佢嘅事，不過一定要做安全措施，因為呢個都關繫到我㗎嘛。」


不過陸浩明就暗串麥明詩：「後生玩夠到咁上下年紀咪會定性，如果一直無玩過，結完婚生埋仔先出去玩都唔出奇，總之玩就係男人天性。」



唔講咁多，去片！

【後生仔傾吓偈】陸浩明要麥明詩赤裸……講前度～
【後生仔傾吓偈】陸浩明要麥明詩赤裸…….講前度～前度觸犯麥明詩底褲


[圖擷取自網路，如有疑問請私訊]