【有片】港姐陳苑澄又玩絲帶舞　網民：係攞景定贈慶？！

候選港姐陳苑澄玩Kiki challenge，就俾網民大插，搞到當事人都即刻del片。不過早前班港姐進行「現場觀眾至like表演」，陳苑澄就大跳絲帶舞，到底佢想攞景定贈慶呢？Cap嚟見我
20位候選港姐喺商場進行「現場觀眾至like表演」，即場自選才藝表演，然後由現場觀眾投選，結果由5號鞏姿希同15號陳苑澄勝出。


陳苑澄當日大跳絲帶舞，仲話係監製幫佢揀嘅。早前佢喺網上分享玩kiki challenge俾網友狂插，似乎冇影響到佢參選嘅心情。

雖然陳苑澄又del片、又道歉，不過表演當日佢跳絲帶舞，又令班網民諗返起佢玩Kiki challenge個時都係跳絲帶舞。有網民仲懷疑佢咁做係博出位，「都唔知佢係攞景定贈慶」。

不過佢又真係跳得有板有眼嘅，去片！

陳苑澄
又嚟料！
Posted by 大娛樂家 on Saturday, 18 August 2018
《2018香港小姐競選》8月尾就舉行，呢排班候選港姐都爭取時間準備，不過都有候選港姐做埋啲出位嘢，博多啲人注意。陳苑澄最近玩kiki challenge，喺IG同Facebook分別擺片，不過就俾班網民狂插。

陳苑澄曾經係香港歌唱組合As One前成員，細細個已經係韻律體操高手，曾經係香港藝術體操隊成員。今年參加香港小姐競選，成為20強入圍佳麗。


近日陳苑澄玩kiki channenge，着住白T同黑色短運動褲，先對住鏡頭做心心手勢扭身扭勢，幾秒後就落車，由得架車繼續行駛，自己就露腰跳舞。



整到件衫咁高，又露腰又show腿，真係出位到不得了！




陳苑澄喺行人路一邊跳舞，又做心心手勢，又踢腿，又轉身，之後冇啦啦入返架車拎嘢，拎條彩帶繼續跳。跳咗幾下就扔咗條彩帶，之後就衝返上車。




唔少網民紛紛留言，狂插陳苑澄玩kiki challenge，唔好睇之餘，仲要亂拋垃圾：



亦有網民覺得陳苑澄好on9，想上位先咁做：

唔講咁多，去片！

陳苑澄
So crazy！
Posted by 大娛樂家 on Wednesday, 15 August 2018


[圖擷取自網路，如有疑問請私訊]