【森美旅行團2】森美扮舞伎嚇親人　網民：唔講仲以為係人妖嚟

第三集《森美旅行團》繼續由森美帶領麥美恩（Mayanne）、丁子朗同吳若希，喺日本吃喝玩樂，今次森美仲扮女人周圍同人影相，不過化到白雪雪嘅森美，真係嚇親人囉。Cap嚟見我
今集森美、Mayanne、丁子朗同吳若希分別化身舞伎、花魁、武士同車伕。佢哋分成兩隊battle，同當地市民及遊客影相。


 


扮舞伎嘅森美就同Mayanne一組，森美扮得女人，另一個就當然扮男人啦。Mayanne自稱麥丸子十小辣，森美就搞笑咁話：「我哋就係大檸樂唔少甜」，真係九唔搭八嘅。


跟住佢哋就開始比賽，森美同Mayanne見到人就衝埋去，十足十怪物咁，想嚇死人咩？影咗兩張相之後佢哋又追住兩個囡囡，不過嚇到人哋愈叫愈走，搞到森美都忍唔住話：「走喎，佢哋走得幾快，九秒九咁走」。




Mayanne即刻串森美：「係你個樣嘅問題」，森美反擊：「唔係你個樣有問題？」。咁又唔怪得人嘅，森美化到白雪雪，紅唇烈艷，不過又男人咁嘅聲，唔講仲以為佢係人妖嚟！俾着肥仔黎我都嚇到走夾唔抖。


另一邊廂吳若希同丁子朗就好好多，成功影咗13張相，嬴咗Mayanne同森美。臨尾Mayanne仲串多句：「咁我個樣都算正常，都似一個男人，但係叔叔（森美）笑起棚牙上嚟，係有啲嘔心，原來佢棚牙真係咁黃。」


扮女人呢家嘢就真係唔好預肥仔黎我啦！不過有好嘢緊係益大家，去片！

【森美旅行團2】森美扮舞伎嚇死人…
【森美旅行團2】森美、Mayanne、吳若希同丁子朗扮鬼扮馬搵人影相，不過森美大哥個look真係……
Posted by 東方新地 Live on Thursday, 16 August 2018


[圖擷取自網路，如有疑問請私訊]