補習天王蕭源年年貼中試題　同大波老婆住3700萬豪宅 | 真心膠 | 膠Hub

近十幾年大型補習社喺香港越做越大，個個老師都話自己係補習天王，佢地嘅一舉一動都受到大家嘅注意，近日中文科補習天王蕭源，就懷疑偷試題而被ICAC起訴。
閱讀全文


現代教育補習天王蕭源(本名蕭志勇)同埋佢老婆蔡怡(本名蔡盈盈)偷DSE試題，昨日(4日)被ICAC起訴串謀有不誠實意圖而取用電腦罪名，今個禮拜三(6日)係西九龍裁判法院提堂。

ICAC調查到張國權同吳宏樑被現代有關嘅學校提名為DSE中文科口試主考員，蔡怡就被提名為監考員。

佢地涉嫌用電話，將2016,2017年嘅DSE中文科保密試題send俾蕭源，而吳宏樑則涉嫌將2017年中國語文科考試簡介會嘅保密資料send俾蕭源。

佢地違反《刑事罪行條例》第159A條及第161(1)(c)條，而蕭源同埋吳宏樑就被控一項相類罪名。蕭源夫婦亦被控《刑事罪行條例》第161(1)(c)條，不誠實意圖而取用電腦罪名。

蕭源之所以會爆紅成為補習天王，就要數返2007年中文科卷二作文，試題為「檸檬茶」，同當年蕭源一篇作文範文《凍檸茶》極為相似，當年已經有唔少考生質疑考評局試題外洩，懷疑蕭源早已獲得試題。到2009年，蕭源曾在網上貼題「樓梯與……」以及「潮流vs個人風格」，同當年中文作文其中兩道題目「樓梯與升降機」、「與其追求潮流，不如展現個人風格，談談你的看法」幾乎一樣，再次惹偷試題疑雲！
佢地嘅公司，現代教育表示因為案件進入司法程序而未能回應，但強調：

現代教育對違法行為不姑息、不接受、不容忍。

蕭源自己咁回應：

「我哋一定會對學生負責任，稍後有進一步消息會再作公布，但一定不會不了了之。」

佢老婆蔡怡亦都係佢中文組嘅成員，佢平時都經常po自己嘅自拍。










[圖擷取自網路，如有疑問請私訊]