香港眾志廢老上身蝦細路　12歲中一女生慘遭網絡批鬥 | 真心膠 | 膠Hub

:0:0

所謂「而家啲後生仔……」，當80後、90後都咗爭住認老嘅時候，00後自然就成為新一代被批鬥對象，話說噚日Facebook出現咗一條由「香港眾志」拍攝嘅街訪影片，題為「00後大測試！經典電影識條鐵」，以為都係恥笑下而家啲中學生唔睇港產片同唔識香港明星嘅啫，點知呢條影片咁古惑，竟然暗藏彈弓！

閱讀全文
條片啲問題開頭都叫正正常常，都係俾啲劇照佢哋睇，問下識唔識《龍咁威》鄭中基，識唔識《獨家試愛》嘅方力申、鄧麗欣咁，不過去到最後十秒，戲肉嚟喇！由電影劇照變突然變成「六四事件」嘅坦克車照片，問佢哋知唔知乜嚟，十零歲嘅中學雞，可能歷史知識麻麻，以為同之前啲相一樣係劇照，咁咪個個都答唔知囉！之後又問佢哋「你覺得咁樣用呢種方式去清場啱唔啱？」其中兩位12歲嘅中一女生諗住hea答之後走人，咪求L其話「我覺得OK嘅」！點知就撩起咗班大人嘅「批鬥癮」，一時之間，群起攻之，個個爭住鬧佢哋被人洗晒腦呀，冇歷史常識呀，甚至話佢哋冇良心呀咁！可憐嘅兩位妹妹傻下傻下咁就中箭了！

街訪主持「膠柔」

初初真係問戲㗎咋

《龍咁威》鄭中基

《獨家試愛》方力申、鄧麗欣

暗藏彈弓

中學生未見過呢張相都唔出奇嘅

咁就中箭了！

資深教育親子版記者「豬心記者」就睇唔過眼，安排兩位中伏女生同埋佢哋嘅家長陪同接受訪問，澄清返件事係點嘅，原來「眾志」進行街訪時並未有表明機構身份，亦未有按承諾為兩位女生「打格仔」，問問題時又問得唔清晰，有錯誤引導之嫌，加上「特別的剪接技巧」，成功斷章取義，變成一段公審00後嘅影片，而且迅間喺網絡瘋傳，將一眾老嫩網民玩弄於股掌之中！
「豬心記者」為兩位中箭女生做嘅專訪

世途險惡，以後要小心睇路呀！

網民都睇唔過眼

不過「豬心記者」嘅專訪出街，件事終於水落石出，兩位女生亦澄清返唔認同暴力清場，網民嘅矛頭指返去「眾志」度，由圍攻「後生」變圍攻「眾志」，一個回力標打返自己！終於搞到刪帖刪片，出聲明道歉，完場！有網民就感嘆，估唔到「眾志」班90後仲咁後生，已經變成批鬥自己嘅50後、60後「廢老」咁，走去欺凌啲比自己年輕嘅00後，呢個究竟係咩玩法？
香港眾志嘅道歉聲明