《功夫之王》副導演差啲俾機師搞　網民：以為拍緊《衝上雲霄》？

大陸治安差都唔係第一日知嘅事，不過大家估唔到嘅係，依家啲公安連強姦都唔想處理，香港女導演林淑貞親身遇險，講述自己被公安拒絕控告嘅經過。
Cap嚟見我
香港女導演林淑貞係大陸拍劇，深夜險被強姦，但公安拒絕處理案件。
最近香港女導演林淑貞同準備做老襯嘅鄭嘉穎合作，拍攝新網劇《套路》。晚上係休息嘅時間，佢被隔離房間嘅受訓機師企圖強姦。
林淑貞表示，佢係訓覺個陣突然有人壓住佢，仲摸佢個胸，開眼發現一個淨係著住黑色底褲嘅陌生男子企圖強姦她。
佢用力拍走對方，係酒店職員嘅協助下冇事，仲捉到改名男子，男子係海南航空受訓機師。佢自稱酒後犯錯，由隔離房露台爬到林淑貞間房犯案。
但係最痴線嘅地方就係呢到，雖然肥仔黎覺得個機師飢不擇食都好誇張。但係當地公安嘅態度先係最令人憤怒。
當日林淑貞報案嘅時候，公安冇進行筆錄或者攝影，甚至之後犯人有關嘅朋友上司到達後，公安仲極力勸佢和解。
就算幾日之後林淑貞堅持控告，公安筆錄之後，犯人上司以「栽培一個機師成本很高」為由，再次勸佢唔好控告。公安仲威脅佢話

堅持控告的話，你會被控告襲擊罪。

成件事真係好痴線，林淑貞最後係冇支援嘅情況下唯有先離開，佢係聲明最後都重申自己嘅要求，希望自己可以收到公平對待。

「我已經身心疲憊，此刻我只能毅然離開劇組」
「我將事情公開，唯一的訴求是希望有關方面會依法處理事件，彰顯公義。」

[圖擷取自網路，如有疑問請私訊]