呢個女星晒驚人減肥餐　網民：佢究竟食咗啲乜？

女星keep fit就好似終身事業咁，冇計啦要出鏡，肥少少都俾班網民cap低擺上網係咁講。最近林心如密密keep fit做gym，仲大方晒減肥餐，不過啲嘢食份量少到一個點，邊到夠飽啊？
Cap嚟見我
林心如同霍建華有個1歲嘅囡囡，生完女就緊係要即刻keep fit修身，睇得出林心如依家咁窈窕，就知佢下咗幾大苦功。林心如唔單止經常做gym，連飲食都要做到減肥嘅功效，真係下咗好大嘅決心。


最近林心如仲晒自己嘅減肥餐，嘩！真係想嚇死寶寶咩？隻碟上面淨係得十粒都唔夠嘅西蘭花同雞胸肉，仲話：「這樣的份量我都不好意思承認是減肥餐了。」唔少網民睇完都紛紛留言：「佢究竟食咗啲乜？」、「下？夠㗎啦？」、「不得了！俾我真係要食夠十倍份量」。


藝人成日都鍾意post靚相，分享依家嘅近況，post之前一定會P下圖，唔係點敢擺上網。成日話林心如係凍齡美女，不過有網民發現林心如唔P圖嘅相，真係嚇死寶寶了。最近有網民發現林心如唔P圖嘅相，真係想嚇死人咩？網民擺咗來自佢工作室嘅P圖同冇修圖照做對比，嘩！呢個真係林心如嚟㗎？

網民仲hashtag「林心如」、「P圖前後」、「嚇死人」、「唔知係咩（咪）受燈光影響」、「我唔信我女神係咁樣」。

呢啲相真係嚇親網友：「可以演鬼片了」、「呢啲先係真實，年紀大啦，真係個個都凍齡咩！」，亦有網民撐林心如：「其實係角度同燈光問題。係美女一名」、「係咪影相嘅角度問題咋？」、「有智慧就行了」。
想當年《還珠格格》橫掃中、港、台，今時今日《還珠》入面嘅女角，無論係擔任主角定配角都紅遍三地，甚至已經沖出國際！最近，唔知係咪有素顏熱潮，大家都相繼自己素顏。《還珠格格》係小說作家瓊瑤擔任編劇嘅電視劇作品，而且更分咗三部，第一部於1997年創作完成，又名《陰錯陽差》，第二部於1998年創作完成，又名《風雲再起》，第三部創作完成於2003年，又名《天上人間》。
范冰冰 – 金鎖范冰冰第一部和第二部飾演金鎖，為紫薇(林心如所飾演)嘅貼身丫鬟，與小燕子(趙薇所飾演)於劇初為對立關係，後來成為好姐妹！


《還珠格格》一劇令佢地三個戲裡戲外都成為好姐妹。

范冰冰飾演金鎖嘅一角出奇地火紅，亦成功令范冰冰廣為人知，成名後嘅范冰冰演藝事業更多元化，除參與電視連續劇集外，亦擔任唔少電影角色，亦曾推出過唱片。金鎖一角開發咗范冰冰飾演古裝嘅潛質，例如《小魚兒與花無缺》鐵心蘭、《武媚娘傳奇》武媚娘等。

范冰冰經常成為雜誌封面主角，同時亦為多種商品出任過廣告代言人！風頭勝過同劇兩位女主角。

而范冰冰最有名嘅經典名言係「我就是豪門！」當時曾有記者訪問佢「有沒有想過嫁入豪門」！充分展現范冰冰嘅自信同瀟灑嘅性格。

估唔到當時只係飾演配角嘅范冰冰，竟然保養得最好。

趙薇 – 小燕子《還珠格格》第一部和第二部都係由趙薇飾演小燕子一角。


趙薇事業發展可謂五花百門，當中包括其丈夫黃有龍，以四百萬歐元嘅價格買下葡萄酒業界知名夢洛酒莊chateau Monlot並將其簽在妻子趙薇名下。

事業愛情得意嘅趙薇，外貌不過特別出眾，但皮膚保養就應該做得好足。

如非出席活動，趙薇都以素顏示人。

林心如 – 夏紫薇《還珠格格》第一部和第二部亦係由林心如飾演夏紫薇一角。

當年個樣清純到，令當時擔任愛新覺羅·永琪 （五阿哥）一角嘅蘇有朋都忍唔住公開表示：「十年之後，如果蘇有朋未娶林心如未嫁，就在一起。」



[圖擷取自網路，如有疑問請私訊]