原來呢三款點心會加呢啲嘢　網民：仲食緊唔係啊嘛？ | 真心膠 | 膠Hub

去茶樓歎番一盅兩件係唔少港人的至愛，點心精緻又好味，加埋杯靚茶確係一絕。可惜有唯利是圖的茶樓為了省工夫及時間，會喺食物中加入化學成分、添加劑等等。早前有傳媒訪問了一位入行多年的點心老師傅，提醒大家有幾樣點心好容易中伏！
閱讀全文
三大中伏點心你要知｜叉燒餐包首先係有唔少捧場客的叉燒餐包，據知原來有人會呢種點心加入大量添加劑，令到個包明顯地鬆軟，就算放涼後都不合理地鬆軟。傳統做餐包一般只會加入酵母，但有人會加入反式脂肪酸高的乳化劑，雖然用量應該係合法，但都對身體唔好啦！
叉燒餐包（示意圖）叉燒餐包（示意圖）｜魷魚和牛柏葉之後到魷魚及牛柏葉，因為水魷魚及牛柏葉一般都係好韌好硬，單單浸清水或梳打粉的效果不大，所以會加入化學物質；另一方面，供應商為了增加利潤，會用化學材料將食材發大三至四倍，甚至有人會用上雙氧水或哥士的，真係聽見都怕怕！
 
咖哩魷魚（示意圖）牛柏葉的情況與魷魚一樣。（示意圖）食咩點心最回本？｜海產類點心款式包羅萬有，人人口味不一，但其實眾多點心之中，性價比而言都係有高低之分的，咁去茶樓食咩最回本呢？首先係材料有海產的點心！例如有蝦、帶子等等，呢類點心售價較高，同時成本亦的確較高，行內俗稱「貴買平賣」，成本比其他點心起碼高10% ！
蝦餃（示意圖）帶子燒賣（示意圖）｜酥皮類而另一款成本高的點心就係酥皮類，例如叉燒酥、蛋撻仔等，所需的工夫和時間都比較多，而且損耗較高，控制唔好火喉就隨時要丟掉，所以呢類食物現時喺一般酒樓都已經買少見少！
叉燒酥（示意圖）蛋撻仔（示意圖）膠通消息來源：：東方新地


[圖擷取自網路，如有疑問請私訊]