酒樓私下幫熟客打尖留枱　網民：唔咁做啲年糕月餅點賣得出 | 真心膠 | 膠Hub

去酒樓食嘢不嬲都要拎飛攞位，但有酒樓嘅部長竟然俾熟客打尖，對其他食客真係好唔公平。最近有網民爆料，話大埔新達廣場嘅潮江春，有部長經常私下幫熟客留枱。閱讀全文
有網民爆料，話大埔新達廣場潮江春嘅部長，經常私底下幫熟客留枱。呢啲熟客唔駛拎飛排隊，只要企喺後門同收銀處旁，等咗冇幾耐就會有部長靜雞雞安排佢哋入座。網民見到呢個情況諗住拍低佢，點知部長見到有人疑似拍攝，先唔敢幫熟客打尖。

之後有熟客企喺後門等咗十幾分鐘，都冇職員理佢，於是佢就自己出馬霸枱，不過最後都係霸唔成，只好拎飛等位。問到經理係咪有職員專幫熟客打尖留枱，經理就否認有呢個服務。

有人網民紛紛留言：
Ginhin

中國人/廢老拉關係文化，好平常

基不可塞

一定要踢爆佢地

HKESE

不嬲都有
由屋邨酒樓去到大酒樓都係識人好過識字
呢間美心應該俾熟人報串做新聞

啤酒汽水益力多

唔咁做d年糕月餅點賣得出

市場先生

呢D叫做識人好過識字

大寶DaboGor

關你X事咩
我唔收佢錢都得呀

乳無倫翅

第一日飲茶呀 ？
人地過時過節食左幾多蘿白糕月餅個的

知名不具

黃種人社會最可悲地方
睇人面色先再做野
唔係根程序做

水樹奈奈

你地新移民啊 玩左幾十啦年
由細跟開呀婆去飲茶已經係叫經理 佢出黎 「阿x太今日又黎呀 等一陣」直入

現代人愈黎愈無時間係屋企煮飯仔，周不時都焗住出街食。同一時間連鎖酒樓就愈開愈多，而呢啲餐廳往往都會出現意想不到的菜式！
連鎖酒樓神奇菜色有網民係社交平台上載咗於某連鎖酒樓發現，有新菜式名為「清蒸原條勝瓜」索價88元，令佢大感詫異。
連鎖酒樓新菜式「清蒸原條勝瓜」。亦有唔少網民都留言指見過更另類菜式，例如：「五香肉丁蒸水蛋」、「利賓納骨飯」。

【求教】肥仔黎真心一問「涼瓜」同「苦瓜」係咪文字上分別？
奇怪嘅餐單真係數都數唔完，原來仲有個奇怪菜式叫「朱古力汁雙腸麵」！

肥仔黎真係睇到「Ｘ」出黎！我怕古天樂都忍唔住！

其他網民慘痛經歷新年期間呢啲情況就更嚴重，特別係本身想開開心心過年嘅家庭，打算出去食返餐豐富嘅團年飯，遇着啲咁既情況想開心都難。有網民分享自己難忘的慘痛經歷！
就係去呢間稻香一家去左 Megabox 稻香食團年飯，總共叫左九個小菜，諗住開開心心食番餐好既啦，點知送上黎既小菜似乎有啲貨不對辦喎！
尋晚都坐唔爆諗住提早做節，7個人食，埋單 HK$1,453 ，除開每位 HK$208 有找 ⋯⋯部長有啲唔好老脾食到清晒咁滯，你以為好好食，少年，你太年輕了，其實係因為份量真係少得驚人！「餵貓咁嘅份量！」最離奇係呢碟帶子炒蚌片，成128蚊一碟，計埋加一要成140蚊。就咁睇落都係得4粒帶子同幾塊蚌片，貴就夠晒貴，但份量少左啲喎！網友一家都表示好無奈，「淨係呢一碟，盛惠$140!可啊可以俾多啲豆我？」
就係呢碟「碧綠帶子炒蚌片」！未計加一 已經係 $128, 個份量就⋯⋯由於太震撼，忍唔住貼落飲食 Group 同大家分享！「咁矜貴，連個碟底都要瀨乾淨至得！」有網友表示「茶餐廳午市套餐都多過佢」、「冇左半碟」。有網友食花生話「可能廚師們試味食剩」、「你哋幾多人食？每人有冇分到是但一件」，真係幾啖笑。
可能做節食飯預咗畀人搵笨，難得樓主表示寧願「繼續高興團年」，除咗擺上網呻吓，都無即場「發圍」。「稻香法國菜」、「隻碟大得滯啫⋯⋯」唔通真係「節日前夕出街就預咗畀人劏」？有「國際視野」嘅網友一眼認出呢碟好明顯係法國菜，唔知個大廚係唔係嚟自米芝蓮⋯⋯？！有一位喺屋企煮飯嘅精明網友，趁機會曬命張貼「住家菜」，真係令人妒忌⋯⋯

另外又有網友貼圖狙擊，表示街坊小店HK$71已經鑊氣十足，樓主真係「揀錯餐廳叫錯餸」！「Megabox有嘢唔伏？」唔知係咪經常出入九龍灣的網友，似乎一早參透 Megabox 嗰堆餐廳嘅玩法⋯⋯呢個總結不失為下次「約飯局」避免瀨嘢嘅一個指標！大家嘅評論都好中肯！


[圖擷取自網路，如有疑問請私訊]