公審乘客坐巴士樓梯　網民反插：你咪又係企緊樓梯 | 真心膠 | 膠Hub

:0:0

搭巴士就緊係想搵返個位坐㗎啦！不過喺繁忙時間通常都好多人搭，好多時都要企下層同人逼，不過最近有網民爆料，有乘客因為冇位坐所以坐喺樓梯位，引來其他網民反插。閱讀全文
最近有網民爆料，由屯門開往油塘嘅259D，因為車廂太多乘客，好多人都要企喺下層位置。期間有3名乘客坐咗喺樓梯。不過有同車乘客不滿佢哋坐喺樓梯阻住其他乘客上落，所以將此事擺上網公審，直斥對方做「垃圾」！

唔少網民熱烈討論，有網民話樓主大驚小怪，認為搭長途巴士好多時都會有咁嘅情況，亦有眼利網民發現佢影相嘅時候都係企喺樓梯：「你咪又係企緊樓梯」。

有網民覺得車程長嘅話係可以體諒呢個行為，亦覺得樓主唔應該用「垃圾」去形容對方：「垃圾依個詞唔係攞嚟形容人。」。

香港人燥底就係人都知，肥仔黎成日都見到好多嘈交片，有時都會左一句粗口，右一句粗口。巴士車長今次就同一位港男嘈交，佢最後一句五字真言成功收咗個港男皮，真係笑到肥仔黎眼水都流！
下面有片！網民喺「巴士的事討論區」Facebook 群組出post：「轉載於巴士佬群組死咸魚紅隧口唔排隊上車、仲聲大夾惡、仲咒人揸成世巴士。」

入面仲有兩條片，真係正爆！

下面有片！兩條片都係巴士「車 cam」鏡頭拍攝，一巴士駛到紅磡海底隧道埋站，車門打開，乘客排隊上車。

但好似有港男疑似打尖，車長突然舉起左手，好大聲咁講：「喂！排隊！你見唔到後面有條龍架？」

嗰位港男就好唔滿意開始同車長嘈！
港男：咁而家見到啦！咁點丫？
車長：咁你而家落返去先，俾人上咗先丫嘛！
港男：我係睇唔到，我唔係打尖
車長：你呢啲叫扮睇唔到，你擺明喺 116 果度擒出來！
港男：係呀，我係跳過來上車
一人一句，真係好睇過TBB劇！
最後個港男就等晒啲人上車先上車，不過佢就好嬲個車長話佢，所以佢上咗車就話「你滿意未呀？巴士佬，成世揸巴士啦你！」