呢間食店份沙律腿治「裝假狗」　網民鬧爆：離晒譜！ | 真心膠 | 膠Hub

返工前食份早餐都好正常姐，食個豐富早餐先有力氣做嘢㗎嘛，不過如果買完個早餐，一打開發現個早餐偷工減料，咁就真係唔係好得喎！早前有網民喺葵興一間工廈小食店買咗份沙律火腿三文治，食咗啖就知道裝咗假狗。閱讀全文
有網民喺葵興一間工廈小食店買咗份沙律火腿三文治，點知食咗啖發覺唔對路。樓主嬲爆將張相放上Facebook，仲留言話：「今早在公司樓下買了份沙律腿治，咬一啖已覺得唔對，打開一睇，藝術的表現，葵興豪華大廈條巷仔，大家去開記得去睇藝術品。」

樓主將沙律火腿三文治打開，三文治入面塊火腿只有一小截，仲要切成一小條，而沙律醬只係塗咗麵包嘅三分之一。樓主稱呢間店為「良心舖」，仲話啲三文治係「藝術三文治」。

唔少網民都鬧爆食店：「好過份」、「離晒譜」，有網友食花生話：「好夠食」、「火腿冇益嘛，食少啲健康啲」、「咁好心機切條，呢啲直頭良心企業喇」。

小食店店主話咁做係想降低成本：「有食客反映話想平啲，寧願唔要咁多餡，我哋壓低成本，做到20蚊兩份，朝早食完晏晝再食，平返少少畀街坊！」。不過慳皮慳成咁，都冇咩人會想食囉！

下午茶份量少就預咗㗎啦，最近有網友喺吉野家食下午茶，叫咗個雞扒烏冬，不過佢就嬲爆話得三舊雞，份量太少。樓主喺連登開post，話喺吉野家用咗$30嗌咗個雞扒烏冬，不過個烏冬出到嚟得三舊雞，好似少咗啲喎。佢就嬲爆爆話「我隻貓都唔夠肉啦」、「斬唔斬得落手，得3舊」。



樓主計埋究竟呢個餐可以賺幾多，「鳥冬成本1-2蚊，蛋1-2蚊，可樂0.1蚊，3舊雞2蚊」，仲話「賺到盡，整臭自己公司」。有網友話「10蚊一舊（雞）」好貴，仲有眼利嘅網友睇到啲雞未熟！

不過都有唔少連登仔話樓主小題大做，「嫌三嫌四咪去茶記囉，下午茶加埋凍飲都40啦」。

你有咩膠句想分享下？


[圖擷取自網路，如有疑問請私訊]