被Yanny搶仔後轉冧土豪新歡　網民：Heidi BB你是最好的！

人多自然是非多，香港五人女子組合Super Girls出道八年新聞多多，當中最受網民追捧現年27歲的成員Heidi(李靜儀)，去年爆出遭隊友Yanny(陳穎欣)硬搶有米監製男友Gareth(陳考威)，姊妹為此反目；事隔一年，原來Heidi已經暗交新佬，更加轉埋口味，日前工作完畢，火速會合新歡去Soho區撐枱腳，唔知係咪上次同型仔監製分手大受打擊，Heidi今次唔揀靚仔，新歡更似足土豪大叔。
Cap嚟見我
Super Girls 姊妹反目五人女子組合Super Girls，五位成員2010年出道時因為個個夠嫩口兼愛晒長腿，出道不久已備受網民追捧，當中現年27歲憑住一對大眼睛兼白滑長腿完勝的Heidi人氣高企，成功俘虜大批宅男，受歡迎程度遠遠拋離其餘四位成員。
左起：Cheronna / Heidi / Aka / Jessica / Yanny不過，世事無絕對，人氣高又點，Heidi卻被隊友硬撬男友慘成感情輸家，14年已經同SG御用有米監製Gareth發展地下情的Heidi，拍拖唔夠一年，有指Gareth難頂其港女性格提出分手，不過，去年卻爆出原來Gareth同另一隊員Yanny撻著，Yanny更同Gareth高調熱戀，畀姊妹硬撬牆腳的Heidi嬲爆兼取消追蹤對方IG，本來已經夠慘，但公司為保形象下令封嘴，令Heidi有冤無路訴惟有寄情工作。
上周二(5月29日)晚，Heidi在中環工作完畢即會合新歡到蘇豪區開餐，相比之前型仔御用監製男友Gareth，新歡打扮相當重口味，花恤衫之外，條褲仲要繫住兩條金屬鏈，完全同索女友型格打扮好唔夾。企街嬲爆爆據知情者透露：「Gareth同Yanny鬼咁高調，Heidi覺得Yanny處心積慮搶自己男友，情緒大受打擊，同Yanny擘晒面，就算一齊工作都面左左。」
Heidi由助手陪同企喺中環碼頭等候，不過男友遲遲未到，只見她面燶燶不停講電話，似在催促對方。打扮騎呢不過，時間可以洗走傷痛，身為宅男女神，點會冇人追事隔大半年Heidi已經再投入愛情，有拖拍不愁寂寞。上周二(5月29日)，Heidi出席完中環Chanel活動，即火速會新歡。
Heidi男友將寶馬泊在中環鬧市街頭，然後兩人一齊行上蘇豪區搵嘢食。主動出擊當晚約八時半，Heidi做完嘢由助手陪同行去中環碼頭等候，未幾新歡揸住寶馬來接她，之後一齊到Soho區一間意大利餐廳撐枱腳，不過新歡類型同前度截然不同，男友肥胖外形加埋一身花恤衫，還有兩條金屬褲鏈，粗邊黑框眼鏡搭埋對耳環，睇落似足土豪大叔。
行去蘇豪區期間，Heidi已情不自禁搭著男方肩膊落樓梯，洩露親密關係！迫女友食二手煙不過新歡騎呢打扮卻未影響二人拍拖雅興，行去Soho區期間，Heidi更情不自禁搭住新歡肩膊行，由於餐廳滿晒座，二人坐埋一邊等位，期間更黐到實密密傾，正所謂，舊嘅唔去新嘅唔嚟！改愛大叔不愛才子，口味轉得好快！
等位期間，土豪男友煙癮起，對住女友亦照點煙食，而Heidi則玩手機，一心幾用。閨密變仇人五人女子組合Super Girls，出道時5個組員情同姊妹，Heidi同Yanny更加係閨密，但自從發生搶仔事件，Heidi同Yanny姊妹反目，為工作才合體，私下零交情。
左起：Jessica / Cheronna / Aka / Yanny / Heidi硬搶男友去年爆出被隊友Yanny硬撬監製男友，令Heidi大受打擊，更嬲到取消follow Yanny，姊妹因而反目。

IG洩密又難怪Heidi咁嬲嘅！四月Gareth生日，Gareth和Yanny分別在IG po出在日本企喺櫻花樹下的照片，明眼人一睇就知二人身處同一地方。


Heidi被嘲胸似背脊⋯⋯近日Heidi喺社交網上載咗法國旅行照，相中見佢着住件長袖大露背衫，勁騷白滑玉背，畫面好吸睛！不過呢啲時候總有口賤網民出現，留言問「有冇(人)話我知呢個係正面定背面？」

神回應自抽獲讚EQ高！點知Heidi BB自嘲回覆話「你鍾意既(嘅)都可以話係正面」，似乎大方承認自己身材真係好平，但又無嬲豬喎！

做Gym倒奶有啲睇頭天時暑熱，早排Heidi喺社交網上載咗條做Gym嘅片，片中見到佢着住白色運動Bra Top大騷纖腰，展示辛苦做運動得嚟嘅成果！但重點喺佢舉鐵嗰陣不時倒奶，其實都有啲睇頭吖！

喺教練指導下，Heidi挺胸收腹！



Heidi舉鐵真係好落力，舉到變哂樣！

其實佢間唔時都會同大家分享做Gym嘅片，見佢落力做，難怪咁fit啦。
恥笑身材事件簿如果講番Heidi被網民嘲笑身材事件簿，一定要提兩年前的香港先生選舉！擔任嘉賓的Heidi一襲蕾絲長裙，長腿與上圍若隱若現，高貴又性感，完美呀！


不過等等先.. 另一個角度睇就穿晒煲啦！一向身材平板的Heidi搏到盡谷胸，不過衰在太貪心，加得太多墊搞到離晒罩，成件事錯晒！下次Heidi都係揀番件適合自己嘅晚裝啦⋯⋯


仲有呢張「代表作」…


改晒靚背無得輸！其實人最緊要認清自己優點，上圍唔「胸」湧又有咩所謂！Heidi BB身材高佻又平均，肌膚白滑，所以佢就決定唔哂咁多胸，改哂靚背！今年新年時，Heidi大放福利。牛仔褲再搭一件性感上衣，大晒玉背，把她嬌嫩白滑的肌膚表露無遺！

之後的年初四，她仍不忘大晒性感，除了美中不足是上圍未夠豐滿外，其他部位都是100分的。

同日繼續發放玉背圖，在泳池中回眸一望，仙氣湧現！

在年初五那天她上載了自拍照，大家有無發現同一副太陽眼鏡掛在Heidi胸口多天嗎？

年初六，再放泳池玉背圖，大晒長腿。

初七又有一張，今次騷性感小肚皮。

之後隔咗幾日，終於有正面睇啦！

Cap by：東方新地、Heidi IG


[圖擷取自網路，如有疑問請私訊]