陳家樂背住余香凝攬女　因為諗起初戀女友

唔知初戀對你嚟講係啲咩？好多人提起初戀，心頭都一陣酸，始終往事只能回味，呢個明星都唔例外，諗起初戀女友仲忍唔住喊。Cap嚟見我
英皇電影《某日某月》五月嗰時就已經上映，湯怡同陳茵媺為電影到戲院謝票，好唔好睇肥仔黎就唔劇透啦！不過有樣嘢就可以爆！原來陳家樂背住女友余香凝攬住第個女仔喊！


《某日某月》女主角湯怡爆料，話陳家樂睇完套戲攬著佢喊：「他話電影令他想起初戀女友，當年因對方移民而分開，我認識家樂十幾年，從來無見過他喊，我都有點不好意思。」


原來因為套戲，搞到陳家樂諗返起個初戀女友，難怪忍唔住喊，我諗余香凝bb冇咁易嬲嘅！





人紅就是非多，但呢位哥仔未紅果陣已經公開正印女友，所以就未有太多緋聞新聞。近日就有位女神表示：一直都話佢係筍盤，試過同佢自製緋聞！嘩，人地紅咗你先咁講～？


對於被影后惠英紅（紅姐）稱呼做樂爺，佢表示因為紅姐有睇劇，知道佢飾演爺爺角色，所以叫他做「樂爺」。

兩人因電影《幸運是我》而加深認識，戲內兩人感情儼如母子，想不到戲外亦打成一片。
近日，陳家樂為英皇珠寶擔任一日明星店長，同場仲有衛詩雅。兩人即場分享為家人朋友挑選珠寶鑽飾的心得。家樂自言喜歡男人味重的款式，笑稱若然配戴太纖幼的，擔心會有基味。


當問到水漲船高，會否送給女友余香凝大大粒鑽石時，佢表示：「之前買咗粒鑽戒俾佢，不過好細粒石，主要作為一個承諾，因為當時係發生車禍之後，希望話佢知我可以照顧佢。」


問到衛詩雅有無羨慕時，佢就大讚陳家樂，並表示：佢係我入行後認識的朋友，一直都知道佢是筍盤呀！」

被問到點解果陣唔 mark 實陳家樂？衛詩雅表示：我地曾經試過自製緋聞！但連唯一一次的緋聞都只係傳咗一日就消失，事關太『流』。

衛詩雅更大爆：「我地 Friend 到，佢啲秘密我都知道，佢仲將好重要嘅嘢交俾我保管，就是前度女友啲相片和短訊。」

陳家樂即謂：「佢連我有幾多身家都知道，不過存放係佢度嘅短訊同相片已經係過去嘅事，可Delete。」佢又不斷解釋係為免睇到會傷心，先會存放係佢度。仲再三強調依家已經無唔捨得。睇黎衛詩雅真係爆咗佢大鍋喎，咁緊張！


花生佬都係認為「女人好小…器」，陳家樂小心余香凝會呷醋啊～！



[圖擷取自網路，如有疑問請私訊]