可愛女神素顏照流出　原來佢嘅真面目係... | 真心膠 | 膠Hub

周街都女神，唔通個個本身都係女神咩？咪又係靠化妝易容出嚟！呢個可愛女神卸妝之後，真係嚇死寶寶啦，真面目原來係個大媽嚟！閱讀全文
內地有名小美女樣貌可愛、頭梳咗兩個小髻，真係好可愛好甜美，不過最近呢個可愛女神嘅卸妝片喺網上被瘋傳，先知原來佢係一個大媽嚟！而佢「獨特」嘅卸妝技巧仲嚇怕唔少網友。

可愛女神拎咗支鐵棒直插鼻樑，拆除成個鼻樑後，原本小巧嘅鼻就咁解體，成個過程睇到都覺得好驚嚇。之後佢再除假眼睫毛同隱形眼鏡，用化妝棉抹咗個妝，素顏嘅佢原來係一個大媽嚟！真係嚇怕咗一班網友。

唔少網民紛紛留言：「鼻子嚇到我了！根本捏麵人」、「這個補土是我看過最強的，哈哈哈哈」、「想像一下這樣去約會，男生看著可愛的她，忍不住想刮一刮她可愛的鼻子，結果一刮，鼻子就下來了」。

雖然好多負皮，但都有網民撐可愛女神：「其實素顏也不醜，不過第一個步驟嚇到了」，仲好奇假鼻係點做出嚟嘅，原來用粟米粉、凡士林再加bbcream黏喺鼻樑上，咁就成功啦！

之前有自稱係「時尚警察」嘅社交帳戶，專擺網紅極誇張嘅「P圖」，最近就post咗張內地直播網紅璐璐同朋友嘅合照，並打咗句「光的折射了解一下」本來都冇咩問題。

點知睇真啲，見唔見到啲太陽光有問題呢？望住啲太陽光就見到光線折射的確有問題，網紅下巴附近位置似乎P過圖，網友都話「違反物理」、「這是一個可以控制光的女人」！

睇下一張！網紅將條腿P長，不過隔離啲公仔都好似拉長咗喎！有網友話「三隻熊身高都不一樣」、「請根據三隻小熊身高比例，求實際腿長。」


再睇下一張！條「事業線」係咪P到過晒火先？網友都忍唔住要串佢「不如畫到上喉嚨？」、「好深的刀口」、「尖到拮死人」！



[圖擷取自網路，如有疑問請私訊]