細數舊時6套TVB神劇 　網民：贏《深宮計》9條街！

每當大台喺深宵時份重播90年代至2000年代初嘅劇集，都會吸引大批網民一路追一路「推到完場」！有網民就以「睇返2001年TVB劇集真係喊出嚟」開咗個題，列返一堆當年嘅劇集出嚟，無論係大熱嘅《尋秦記》、《封神榜》、《妙手仁心II》、《酒是故鄉醇》、《皆大歡喜（古裝版）》、《陀槍師姐III》，比較少人記得嘅《娛樂反斗星》、《FM701》、《婚前昏後》都十分高質，好多劇情到家都得，相比2018年嘅《深宮計》，真係退步到喊出嚟！真係一蟹不如一蟹，往事只能回味！

Cap嚟見我
那些年，陪住大家成長嘅高質劇集：
《尋秦記》經典對白太多，啲cap圖到今時今日都仲俾網友用緊。





《封神榜》咁多角色，，最多人記得嘅一定係妲己（溫碧霞飾），咦！原來佢連拍古裝都露膊㗎！



《婚前昏後》有天后級嘅王菲唱主題曲，而家得返倒模式製作嘅「星夢幫」劇歌，首首係胡鴻鈞、吳若希、Hana、譚嘉儀……無限loop……



《妙手仁心II》嘅女角陳慧珊、蒙嘉慧、邵美琪、袁彩雲，位位演得又睇得，如今大台得返蔡思達、蔡思達同埋蔡思達。





《皆大歡喜》唏呀唏呀唏…呀唏呀唏……團結一心有新轉機！有聲㗎！




《FM701》係罕有以電台為背景嘅電視劇，連曾任電台DJ嘅Wyman黃偉文同電影導演谷德昭都有參與演出，真係估唔到！


膠通消息來源：TVB、連登


[圖擷取自網路，如有疑問請私訊]